അടൂരിൽ നാലരവയസ്സുകാരനെ തീപ്പൊള്ളലേൽപ്പിച്ച സംഭവത്തിൽ മുത്തശ്ശിക്കെതിരെ കേസ് എടുത്തു. പെരിങ്ങനാട് സ്വദേശി ലക്ഷ്മി(40)ക്കെതിരെയാണ് ജുവനൈൽ ജസ്റ്റിസ് പ്രകാരം പോലീസ് കേസെടുത്തത്.
അങ്കണവാടിയിലെ അദ്ധ്യാപികയാണ് കുട്ടിയുടെ വയറിന്റെ ഭാഗത്തായി പൊള്ളലേറ്റ പാടുകൾ ശ്രദ്ധിച്ചത്. കൂടുതൽ വിവരങ്ങൾ തിരക്കിയപ്പോൾ മുത്തശ്ശിയാണ് പൊള്ളലേൽപ്പിച്ചതെന്നും സ്ഥിരമായി ഉപദ്രവിക്കാറുണ്ടെന്നും കുട്ടി അദ്ധ്യാപികയോട് വെളിപ്പെടുത്തുകയായിരുന്നു.
ഇതിനേതുടർന്ന് അദ്ധ്യാപിക ചൈൽഡ് ലൈൻ പ്രവർത്തകരെ വിവരം അറിയിക്കുകയും അവരെത്തി പോലീസിന് പരാതി നൽകുകയുമായിരുന്നു. കുട്ടികളുടെ മാതാവ് തമിഴ് നാട്ടിലാണുള്ളതെന്നും ഈ കുട്ടിയെ കൂടാതെ മൂന്നരവയസുള്ള ഒരു ഇളയകുട്ടി കൂടി മുത്തശ്ശിയുടെ സംരക്ഷണയിൽ ഉണ്ടെന്നും പോലീസ് പറഞ്ഞു.