പത്മാവദ് കാണുന്നതിനിടെ 19കാരിയെ ഫേസ്‌ബുക്ക് സുഹൃത്ത് തിയേറ്ററില്‍ വെച്ച് പീഡിപ്പിച്ചു - സ്വകാര്യ ഭാഗങ്ങളില്‍ മുറിവുകളേറ്റ പെണ്‍കുട്ടി ആശുപത്രിയില്‍

പത്മാവദ് കാണുന്നതിനിടെ 19കാരിയെ ഫേസ്‌ബുക്ക് സുഹൃത്ത് തിയേറ്ററില്‍ വെച്ച് പീഡിപ്പിച്ചു

19കാരിയെ തിയേറ്ററിനുള്ളില്‍ വെച്ച് ഫേസ്‌ബുക്ക് സുഹൃത്ത് പീഡിപ്പിച്ചു. പെണ്‍കുട്ടിയുടെ പരാതിയില്‍  കണ്ടക്ടലാ ഭിക്ഷപതിയെന്ന 23കാരനെ പൊലീസ് അറസ്‌റ്റ് ചെയ്‌തു. ഹൈദരാബാദിലെ പ്രശാന്ത് തിയേറ്ററില്‍ വെച്ച് കഴിഞ്ഞ തിങ്കളാഴ്ചയായിരുന്നു സംഭവം.

രണ്ടു മാസങ്ങള്‍ക്കു മുമ്പാണ് യുവാവ് പെണ്‍കുട്ടിയുമായി ഫേസ്‌ബുക്കിലൂടെ പരിചയത്തിലായത്. തിങ്കളാഴ്‌ച ഇരുവരും കണ്ടു മുട്ടുകയും പത്മാവത് കാണാന്‍ തിയേറ്ററില്‍ എത്തുകയും ചെയ്‌തു. ആളൊഴിഞ്ഞ ഭാഗത്ത് പെണ്‍കുട്ടിക്കൊപ്പം ഇരുന്ന യുവാവ് ഇവരെ പീഡിപ്പിക്കുകയായിരുന്നു.

സ്വകാര്യ ഭാഗങ്ങളില്‍ മുറിവുകളേറ്റ പെണ്‍കുട്ടിയെ ആശുപത്രിയില്‍ പ്രവേശിപ്പിച്ചു. ഇവരുടെ പരുക്ക് ഗുരുതരമല്ലെന്ന് പൊലീസ് വ്യക്തമാക്കി. പീഡന ശ്രമം തിയേറ്ററിനുള്ളില്‍ വെച്ച് നടന്നതിനാല്‍ തിയറ്റര്‍ ഉടമയ്‌ക്കെതിരെയും കേസെടുത്തു.