ഭാര്യമാരറിയാതെ നാലാം വിവാഹത്തിന് തയ്യാറെടുത്ത് മലയാളി, ഒടുവിൽ സംഭവിച്ചതിങ്ങനെ !

മൂന്ന് ഭര്യമാർ അറിയാതെ നാലാമത്തെ വിവാഹത്തിന് തയ്യാറെടുത്ത മലയാളി ചെന്നൈയിൽ അറസ്റ്റിലായി. 47കാരനായ കൊല്ലംസ്വദേശി അജിത് കുമാറാണ് മൂന്നാം ഭാര്യയുടെ പരാതിയെ തുടർന്ന് അറസ്റ്റിലായത്. ഇയാൾക്ക് കേരളത്തിൽ രണ്ട് ഭാര്യമാരള്ളതായി പൊലീസ് അന്വേഷണത്തിൽ കണ്ടെത്തുകയായിരുന്നു 

ചെന്നൈ നഗരത്തിൽ ഇവന്റ് മാനേജ്‌മെന്റ് കമ്പനി നടത്തിയിരുന്ന അജിത് കുമാർ വിരുഗമ്പാക്കം സാലിഗ്രാം ഗാന്ധി നഗറിലാണ് താമസിച്ചിരുന്നത് പ്രദേശവസിയായ ദേവിക എന്ന യുവതിയെ ഇയാൾ വിവഹം കഴിച്ച് താമസം ആരംഭിച്ചിരുന്നു. ഈ ബന്ധത്തിൽ ഒരു മകനുണ്ട്. എന്നാൽ ഇതിനിടെ മറ്റൊരു യുവതിയുമായി അജിത്കുമാർ ബന്ധത്തിലാവുകയയിരുന്നു.

ഇത് ദേവിക തിരിച്ചറിഞ്ഞതോടെ വീട്ടിൽ വഴക്കുണ്ടാകാൻ തുടങ്ങി. ഭർത്താവ് തന്നെ മർദ്ദിക്കാൻ തുടങ്ങിയതോടെ ദേവിക പൊലീസിൽ പരാതി നൽകുകയായിരുന്നു. ഈ കേസിൽ അജിത്‌കുമാറിനെ പൊലീസ് ചോദ്യം ചെയ്തതോടെയാണ് നാട്ടിൽ രണ്ട് ഭാര്യമാർ ഉള്ളതായും. മറ്റൊരു യുവതിയെ വിവാഹം കഴിക്കാൻ തയ്യാറെടുക്കുകയിരുന്നു എന്നും പ്രതി തുറന്നു സമ്മതിച്ചത്.