സഹോദരങ്ങളായ കുട്ടികളെ ലൈംഗികമായി പീഡിപ്പിച്ച മധ്യവയസ്‌കന്‍ അറസ്‌റ്റില്‍. കോഴിക്കോട് നല്ലളം സ്വദേശിയായ സുബ്രഹ്മണ്യനാണ് (57) പിടിയിലായത്. പോക്‍സോ നിയമപ്രകാരം ഇയാള്‍ക്കെതിരെ പൊലീസ് കേസെടുത്തു.
ഒമ്പത് വയസുള്ള പെണ്‍കുട്ടിയും എട്ട് വയസുള്ള സഹോദരനുമാണ് പീഡനത്തിന് ഇരയായത്. കഴിഞ്ഞയാഴ്‌ചയാണ് മൂന്നാം ക്ലാസ് വിദ്യാര്‍ഥിയായ ആണ്‍‌കുട്ടി പീഡിപ്പിക്കപ്പെട്ടത്. ലൈംഗികമായി ഉപയോഗിക്കപ്പെട്ട വിവരം കുട്ടി ബന്ധപ്പെട്ടവരോട് പറഞ്ഞതോടെയാണ് വിവരം പുറത്തായത്.
സംഭവം വിവാദമായതോടെ സുബ്രഹ്മണ്യനെതിരെ പെണ്‍കുട്ടിയും പരാതി ഉന്നയിച്ചു. ഒരു വര്‍ഷം മുമ്പ് പീഡിച്ചു എന്നാണ് പെണ്‍കുട്ടി വ്യക്തമാക്കിയത്. കേസ് രജിസ്‌റ്റര്‍ ചെയ്‌ത പൊലീസ് അന്വേഷണം ആരംഭിച്ചു.
