പാലക്കാട്: പ്രായപൂർത്തി ആകാത്ത പെൺകുട്ടിയെ ലൈംഗികമായി പീഡിപ്പിച്ചു എന്ന പരാതിയിൽ 52 കാരനെ പോലീസ് അറസ്റ്റ് ചെയ്തു. ചിറ്റിലഞ്ചേരി കടംപിടി സ്വദേശി എം.ബഷീറിനെയാണ് കൊല്ലങ്കോട് പോലീസ് അറസ്റ്റ് ചെയ്തത്.
പല്ലശ്ശന കുമരംപുത്തൂർ സ്വദേശിനിയെ 2019 ൽ ഇയാൾ പീഡിപ്പിച്ചിരുന്നു. എന്നാൽ വീണ്ടും ഇയാൾ കുട്ടിയെ കാണാൻ എത്തിയതോടെയാണ് കുടുംബം ചൈൽഡ് ലൈൻ പ്രവർത്തകരെ വിവരം അറിയിച്ചത്. തുടർന്ന് പോലീസിൽ പരാതി നൽകുകയായിരുന്നു. കൊല്ലങ്കോട് പോലീസ് ഇൻസ്‌പെക്ടർ വിപിൻ ദാസിന്റെ നേതൃത്വത്തിലുള്ള പോലീസ് സംഘമാണ് പ്രതിയെ പിടികൂടിയത്.
