എ​ട്ടു​വ‍​യ​സു​കാ​രി​യെ മാനഭംഗപ്പെടുത്തിയ യു​വാ​വി​നെ ത​ല്ലി​ക്കൊ​ന്നു; സംഭവം യുപിയില്‍

എ​ട്ടു​വ‍​യ​സു​കാ​രി​യെ പീ​ഡി​പ്പി​ച്ച യു​വാ​വി​നെ ത​ല്ലി​ക്കൊ​ന്നു. ഉ​ത്ത​ർ​പ്ര​ദേ​ശി​ലെ ഗാ​സി​യാ​ബാ​ദിലാണ് സംഭവം. പെണ്‍കുട്ടിയുടെ സമീപവാസിയായ ജി​തേ​ന്ദ്ര എ​ന്ന യു​വാ​വാ​ണ് കൊ​ല്ല​പ്പെ​ട്ട​ത്.

ഒരു ചടങ്ങില്‍ പങ്കെടുക്കാന്‍ പോയ കുട്ടിയെ ജി​തേ​ന്ദ്ര വീ​ട്ടി​ലേ​ക്കു കൂ​ട്ടി​ക്കൊ​ണ്ടു​പോ​കു​ക​യും പീ​ഡി​പ്പി​ക്കു​ക​യു​മാ​യി​രു​ന്നു. ഇയാളുടെ വീട്ടില്‍ എത്തിച്ചാണ് പീഡനം നടത്തിയത്.

പീഡനവിവരം മാതാപിതാക്കള്‍ അറിയരുതെന്നും പറഞ്ഞാല്‍ കൊല്ലുമെന്നും ജിതേന്ദ്ര പെണ്‍കുട്ടിയെ ഭീ​ഷ​ണി​പ്പെ​ടു​ത്തി​യി​രു​ന്നു. എന്നാല്‍, വീട്ടില്‍ എത്തിയ പെണ്‍കുട്ടി ശാരീരിക അസ്വസ്ഥതകള്‍ പ്രകടിപ്പിച്ചതോടെ മാതാപിതാക്കള്‍ വിവരം അന്വേഷിച്ചു. ചോദ്യം ചെയ്യലില്‍ പീഡനവിവരം കുട്ടി വ്യക്തമാക്കി.

ജി​തേ​ന്ദ്ര​യെ പി​ടി​കൂടിയ പെണ്‍കുട്ടിയുടെ മാതാപിതാക്കള്‍ ഇയാളെ ക്രൂരമായി മര്‍ദ്ദിച്ചു. അവശനായ ഇയാളെ നാട്ടുകാര്‍ സമീപത്തെ ആശുപത്രിയില്‍ എത്തിച്ചെങ്കിലും മരണം സംഭവിച്ചു. സംഭവത്തില്‍ പൊലീസ് കേസ് രജിസ്‌റ്റര്‍ ചെയ്‌തു അന്വേഷണം ആ‍രംഭിച്ചു.