ആലുവയിലെ ഫ്ലാറ്റില്‍ സ്‌ത്രീയുടെയും പുരുഷന്റെയും അഴുകിയ മൃതദേഹങ്ങള്‍; കൊലപാതക സാധ്യത തള്ളാതെ പൊലീസ്

ആലുവയിലെ ഫ്ലാറ്റില്‍ സ്‌ത്രീയും പുരുഷനും മരിച്ച നിലയില്‍. തൃശൂര്‍ സ്വദേശികളായ സതീഷ് ടി യു, മോനിഷ എന്നിവരുടെ മൃതദേഹങ്ങളാണ് കണ്ടെത്തിയത്. സംഭവത്തില്‍ പൊലീസ് അന്വേഷണം ആരംഭിച്ചു.

ആലുവ തോട്ടയ്‌ക്കാടുകരയിലെ ഫ്ലാറ്റിലാണ് മൃതദേഹം കണ്ടെത്തിയത്. ഫ്ലാറ്റില്‍ നിന്നും ദുര്‍ഗന്ധം വമിച്ചതോടെ  മൂന്നാം നിലയില്‍ താമസിക്കുന്ന കെട്ടിട ഉടമയായ ഇക്‍ബാല്‍ മുറി ബലാമാ‍യി തുറന്ന് അകത്ത് പ്രവേശിച്ചപ്പോഴാണ് സ്‌ത്രീയെയും പുരുഷനെയും മരിച്ച നിലയില്‍ കണ്ടെത്തിയത്.

ഒരാളുടെ മുകളില്‍ മറ്റൊരാള്‍ വീണ നിലയിലാണ് മൃതദേഹങ്ങള്‍ കാണപ്പെട്ടത്. അഴുകിയ നിലയിലായിരുന്നു മൃതദേഹങ്ങള്‍ കാണപ്പെട്ടത്. മൃതദേഹങ്ങള്‍ക്ക് രണ്ട് ദിവസത്തിലധികം പഴക്കമുണ്ട്. പൊലീസ് സ്ഥലത്തെത്തി പരിശോധന നടത്തി.

കൊലപാതകമാകാനുള്ള സാധ്യത പൊലീസ് തള്ളിക്കളയുന്നില്ല. ഏഴുമാസം മുമ്പാണ് സ്‌ത്രീയും പുരുഷനും ഫ്ലാറ്റില്‍ താമസം ആരംഭിച്ചത്. നാലു പേരാണ് മുറി ഫ്ലാറ്റ് വാടകയ്‌ക്ക് എടുത്തത്. ഇവര്‍ ഐഎംഎ ഡിജിറ്റല്‍ സ്റ്റുഡിയോയെന്ന പേരില്‍ വീഡിയോ എഡിറ്റിങ് ജോലിക്കെന്ന പേരിലാണ് ഫ്ലാറ്റ് വാടകയ്ക്കെടുത്തത്. ഇവരുടെ വാഹനവും ക്യാമറ അടക്കമുള്ള ഉപകരണങ്ങളും ഇവിടെയുണ്ട്.