മാവേലിക്കര വള്ളികുന്നത്ത്. പൊലീസ് ഉദ്യോഗസ്ഥയായ സൗമ്യയെ ക്രൂരമായി കൊലപ്പെടുത്തിയത്. ആലുവ എആർ ക്യാമ്പിലെ പൊലീസ് ഉദ്യോഗസ്ഥനായ അജാസ്. ആക്രമണത്തിൽ സാരമായി തന്നെ പൊള്ളലേറ്റ പ്രതിയെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുകയാണ്.
രണ്ട് മണിയോടെ ഡ്യൂട്ടി കഴിഞ്ഞ് സൗമ്യ വീട്ടിലെത്തിയിരുന്നു. പിന്നീട് സ്കൂട്ടറിൽ പുറത്തിറങ്ങിയപ്പോൾ മൂന്നു മണിയോടെയാണ് സംഭവം. കാറിലെത്തിയ അജാസ് സൗമ്യയുടെ സ്കൂട്ടറിനെ ഇടിച്ചിടുകയായിരുന്നു. ഇതോടെ സൗമ്യ വീട്ടിലേക്ക് ഓടിക്കയറാൻ ശ്രമിക്കവെ പ്രതി കയ്യിൽ കരുതിയിരുന്ന കത്തി ഉപയോഗിച്ച് കുത്തിവീഴ്ത്തി.
പിന്നീട് കന്നാസിൽനിന്നും പെട്രോൾ സൗമ്യയുടെ ദേഹത്തേക്കൊഴിച്ച് തീകൊളുത്തുകയായിരുന്നു. ഇതോടെ പ്രതിക്കും പൊള്ളലേറ്റു. നാട്ടുകാരാണ് പ്രതിയെ പിടികൂടി പൊലീസിൽ ഏൽപ്പിച്ചത്. പ്രതി ധരിച്ചിരുന്ന വസ്ത്രം മുഴുവൻ കത്തിക്കരിയുകയും ശരീരമാസകലം പൊള്ളലേൽക്കുകയുംൿ ചെയ്തിരുന്നു. ഇരുവരും തമ്മിൽ മുൻപരിചയം ഉണ്ടായിരുന്നു എന്നാൽ കൊലപാതകത്തിന് പിന്നിലെ കാരണമെന്താണെന്ന് വ്യക്തമായിട്ടില്ല.