ഡി കെ ശിവകുമാര്‍ - കോണ്‍ഗ്രസിന്‍റെ നരേന്ദ്രമോദി!

Webdunia
ശനി, 19 മെയ് 2018 (22:35 IST)
ഡി കെ ശിവകുമാര്‍ പുതിയ കര്‍ണാടക മന്ത്രിസഭയില്‍ ഉപമുഖ്യമന്ത്രിയാകുമോ? അതോ കര്‍ണാടക പി സി സി അധ്യക്ഷനോ? ഇതിലൊന്ന് സംഭവിക്കുമെന്ന് ഉറപ്പ്. കാരണം, ഇനി ഡി‌കെയെ തള്ളിക്കളയാന്‍ കോണ്‍ഗ്രസ് ദേശീയനേതൃത്വത്തിന് കഴിയില്ല.
 
തന്‍റെ മന്ത്രിസഭയില്‍ ഉപമുഖ്യമന്ത്രിയായി ഡി കെ ഉണ്ടാകണമെന്നാണ് എച്ച് ഡി കുമാരസ്വാമി ആഗ്രഹിക്കുന്നത്. എന്നാല്‍ ദേവെഗൌഡയ്ക്ക് താല്‍‌പ്പര്യം പരമേശ്വരയോടാണ്. ഇപ്പോള്‍ പി സി സി അധ്യക്ഷനായ പരമേശ്വര ഉപമുഖ്യമന്ത്രിയായാല്‍ പകരം പി സി സി അധ്യക്ഷ സ്ഥാനത്തേക്കാവും ഒരുപക്ഷേ ഡി കെ ശിവകുമാര്‍ എത്തുക.
 
ഇന്ത്യയിലെ ഏത് സംസ്ഥാനത്ത് കോണ്‍ഗ്രസിന് പ്രതിസന്ധിയുണ്ടായാലും അതിനെല്ലാം പരിഹാരമായി ഇപ്പോള്‍ ഏവരും കാണുന്നത് ഡി കെ ശിവകുമാറിനെയാണ്. ഗുജറാത്തില്‍ പ്രതിസന്ധിയുണ്ടായാലും മഹാരാഷ്ട്രയില്‍ പ്രശ്നമുണ്ടായാലും കോണ്‍ഗ്രസ് നേതൃത്വം ഡി കെയെ വിളിക്കുന്നു. ക്രൈസിസ് മാനേജുമെന്‍റിന് ഡി കെയെ കഴിഞ്ഞേ ഇന്ന് കോണ്‍‌ഗ്രസില്‍ മറ്റൊരാളുള്ളൂ.
 
ഗുജറാത്തില്‍ നിന്ന് ബി ജെ പിയുടെ രക്ഷകനായി നരേന്ദ്രമോദി അവതരിച്ചതുപോലെ കര്‍ണാടകയില്‍ നിന്ന് കോണ്‍ഗ്രസിന്‍റെ രക്ഷകനായി ഡി കെ ശിവകുമാര്‍ അവതരിക്കുന്നത് ഇന്ന് കോണ്‍ഗ്രസ് പ്രവര്‍ത്തകരും സ്വപ്നം കാണുന്നു. നരേന്ദ്രമോദിയെപ്പോലെ തന്നെ തന്ത്രങ്ങളും ചങ്കുറപ്പും നേതൃപാടവവും അണിയറനീക്കങ്ങളിലുള്ള മികവുമാണ് ഡി കെയെ ദേശീയരാഷ്ട്രീയം ഉറ്റുനോക്കുന്നതിന് കാരണമാകുന്നത്. അളവില്ലാത്ത സമ്പത്തിനുടമയുമാണ് ഡി കെ. 
 
കുടുംബാധിപത്യത്തില്‍ നിന്നും കോണ്‍ഗ്രസ് വഴിമാറിച്ചിന്തിച്ചാല്‍ നാളെ കോണ്‍ഗ്രസിന്‍റെ നരേന്ദ്രമോദിയായി ഡി കെ ശിവകുമാര്‍ വന്നേക്കാം.

അനുബന്ധ വാര്‍ത്തകള്‍

വായിക്കുക

അഫ്ഗാനികൾ ഇങ്ങോട്ട് കയറണ്ട, ഇമിഗ്രേഷൻ അപേക്ഷകൾ നിർത്തിവെച്ച് യുഎസ്

കടുത്ത പനി; വേടന്‍ തീവ്രപരിചരണ വിഭാഗത്തില്‍ തുടരുന്നു, സ്റ്റേജ് ഷോ മാറ്റി

ഇന്ത്യന്‍ മഹാസമുദ്രത്തിനും മുകളിലായി ശക്തി കൂടിയ ന്യുനമര്‍ദ്ദം; സംസ്ഥാനത്ത് വരും ദിവസങ്ങളിലും മഴ തുടരും

Kerala Weather: തീവ്ര ന്യൂനമര്‍ദ്ദം വരുന്നു, കര തൊട്ട് സെന്‍യാര്‍ ചുഴലിക്കാറ്റ്; കേരളത്തില്‍ മഴ

സംസ്ഥാനത്ത് 28,300 മുന്‍ഗണന റേഷന്‍ കാര്‍ഡുകള്‍ വിതരണം ചെയ്തു

എല്ലാം കാണുക

ഏറ്റവും പുതിയത്

വാട്‌സാപ്പ് ഉപയോഗിക്കുമെങ്കിലും നിങ്ങള്‍ക്ക് ഇക്കാര്യങ്ങള്‍ അറിയില്ലായിരിക്കും!

തദ്ദേശ തിരഞ്ഞെടുപ്പ്: വോട്ടിങ് സമയം ശ്രദ്ധിക്കണം

ശബരിമല സ്വര്‍ണ്ണക്കൊള്ള കേസ്: മുന്‍ പ്രതിപക്ഷനേതാവ് രമേശ് ചെന്നിത്തല എസ്‌ഐടിക്ക് മുന്നില്‍ മൊഴി നല്‍കും

അടൂര്‍ പ്രകാശ് പറഞ്ഞതല്ല കോണ്‍ഗ്രസിന്റെ നിലപാട്: സണ്ണി ജോസഫ്

മലയാറ്റൂരില്‍ നിന്ന് കാണാതായ 19 കാരിയുടെ മൃതദേഹം കണ്ടെത്തി; തലയ്ക്കു പിന്നില്‍ ആഴത്തിലുള്ള മുറിവ്, പോസ്റ്റ്മാര്‍ട്ടം റിപ്പോര്‍ട്ട് നിര്‍ണായകം

അടുത്ത ലേഖനം
Show comments