അവസരങ്ങൾക്കായി അവർ എന്തിനും തയ്യാറാകുന്നു; സിനിമയിലെ മോശം അനുഭവത്തെ കുറിച്ച് മൃദുല
എന്തിനും തയ്യാറായി അവർ വരുമ്പോൾ കഴിവുള്ളവർ തഴയപ്പെടുന്നു: മൃദുല
സിനിമയിലെ കാസിന്റ് കൗച്ചിനെ കുറിച്ചെല്ലാം നിരവധി നടിമാർ വെളിപ്പെടുത്തിയതാണ്. അതുപോലെ പല കാരണങ്ങളാൽ കഴിവുള്ള നടിമാർക്ക് അവസരങ്ങൾ നഷ്ടപ്പെടുന്നതും സിനിമയിൽ പുത്തരിയല്ല. സിനിമയെ സ്വപ്നം കണ്ടെത്തുന്ന പലർക്കും ലഭിക്കുന്നത് നല്ല അനുഭവങ്ങൾ അല്ല. ഇപ്പോഴിതാ, നടി മൃദുലയും സിനിമയിൽ നിന്നും തനിക്ക് നേരിടെണ്ടി വന്ന ദുരനുഭവങ്ങൾ പങ്കു വെയ്ക്കുന്നു.
സിനിമയിൽ നിന്നും ധാരാളം ഓഫറുകൾ വരാറുണ്ട്. എന്നാൽ, അതെല്ലാം അഡ്ജസ്റ്റ്മെന്റിന്റെ ഓഫറാണ്. പല അഡ്ജൻസ്റ്റ്മെറ്റിനും തയ്യാറാണെങ്കിൽ ചാൻസ് ഉണ്ടെന്നാണ് പലരും പറയുന്നത്. അത്തരം അവസരങ്ങൾ എനിക്ക് വേണ്ട. ഇക്കാരണത്താലാണ് താൻ സിനിമയിലേക്ക് വരാത്തതെന്ന് മൃദുല ഒരു മാഗസിന് നല്‍കിയ അഭിമുഖത്തില്‍ വ്യക്തമാക്കി.
കൂടാതെ എന്തിനും തയ്യാറായി ചിലര്‍ പുതിയ തലമുറയിലുണ്ട്. അത്തരം രീതികളോട് എനിക്ക് താത്പര്യമില്ല. എന്റെ ഭാഗം മികച്ചതാക്കണം എന്ന് ചിന്തിയ്ക്കുന്ന കഴിവുള്ളവരും ധാരളമുണ്ട്. എന്നാല്‍ എന്തിനും തയ്യാറായി ചിലര്‍ വരുമ്പോള്‍ കഴിവുള്ളവര്‍ക്ക് അവസരം നഷ്ടപ്പെടുന്നു- മൃദുല പറയുന്നു. മഴവില്‍ മനോരമയിലെ കൃഷ്ണ തുളസി എന്ന സീരിയലിലൂടെ ശ്രദ്ധേയയാണ് മൃദുല വിജയ്.
