ഐമ സെബാസ്റ്റ്യന്‍ വിവാഹിതയാകുന്നു! വരന്‍ ആരെന്നോ?
നിവിന്‍ പോളിയുടെ സഹോദരിയായി...
വിനീത് ശ്രീനിവാസന്‍ സംവിധാനം ചെയ്ത ജേക്കബിന്റെ സ്വര്‍ഗ്ഗരാജ്യം എന്ന ചിത്രത്തില്‍ നിവിന്‍ പോളിയുടെ സഹോദരിയായി എത്തിയ ഐ സെബാസ്റ്റ്യന്‍ വിവാഹിതയാകുന്നു. വീക്കെൻഡ് ബ്ലോക്ബ്സ്റേഴ്സ് എന്ന സിനിമാ നിർമ്മാണ- വിതരണ കമ്പനി ഉടമസ്ഥയായ സോഫിയ പോളിന്റെ മകൻ കെവിൻ പോളാണ് വരന്‍.
കാടു പൂക്കുന്ന നേരം, മുന്തിരി വള്ളികൾ തളിർക്കുമ്പോൾ എന്നീ ചിത്രങ്ങൾ സ്വതന്ത്രമായി നിർമ്മിക്കുകയും ബാംഗ്ലൂർ ഡെയ്സ് എന്ന ചിത്രത്തിൽ അൻവർ റഷീദിന്റെ നിർമ്മാണ പങ്കാളിയാവുകയും ചെയ്ത വിതരണ കമ്പനിയാണ് വീക്കെൻഡ് ബ്ലോക്ബ്സ്റേഴ്സ്.
2013 ഇൽ നിർമ്മിക്കപ്പെട്ട ദൂരം എന്ന മലയാള ചിത്രത്തിലാണ് ഐമ ആദ്യമായി ക്യാമറയ്ക്ക് മുന്നില്‍ എത്തിയത്. എന്നാല്‍, ആദ്യം പുറത്തിറങ്ങിയത് ജേക്കബിന്റെ സ്വര്‍ഗ്ഗരാജ്യം ആയിരുന്നു. ഐമ അഭിനയിച്ച മൂന്നാമത്തെ ചിത്രമാണ് ഈ വർഷം റിലീസ് ചെയ്ത മുന്തിരി വള്ളികൾ തളിർക്കുമ്പോൾ.
