ഓണം അടിച്ച് പൊളിക്കാന്‍ ഇടിക്കുള! - വെളിപാടിന്റെ പുസ്തകം ആദ്യ റിപ്പോര്‍ട്ട് പുറത്ത്!

ഇത്തവണത്തെ ഓണം മോഹന്‍ലാലിനൊപ്പം?

ഓണച്ചിത്രമായി റിലീസ് ചെയ്ത മോഹന്‍ലാല്‍ ചിത്രം ‘വെളിപാടിന്റെ പുസ്തകത്തിന്റെ‘ ആദ്യ പ്രതികരണം പുറത്ത്. ലാല്‍ ജോസ് സംവിധാം ചെയ്യുന്ന ചിത്രത്തില്‍ മോഹന്‍ലാല്‍ അഭിനയിക്കുന്നു എന്നത് തന്നെയായിരുന്നു ഈ ചിത്രത്തിന്റെ പ്രധാന ആകര്‍ഷണം. തീയേറ്ററുകളില്‍ വന്‍ ജനാവലിയാണുള്ളത്.

മോഹന്‍ലാല്‍ രണ്ടു വ്യത്യസ്ത ലുക്കുകളിലെത്തുന്ന ചിത്രത്തില്‍ അന്ന രേഷ്മ രാജനാണ് നായിക. ഇത്തവണത്തെ ഓണം മോഹന്‍ലാലിന്റെ ഇടിക്കുള കൊണ്ടുപോയെന്നാണ് ആരാധകര്‍ പറയുന്നത്. എന്തായാലും ആദ്യ പ്രതികരണങ്ങള്‍ വരുമ്പോള്‍ അണിയറ പ്രവര്‍ത്തകര്‍ക്ക് ആശ്വാസകരമാണ്. ബെന്നി പി നായരമ്പലമാണ് ചിത്രത്തിന്റെ രചന നിർ‌വ്വഹിച്ചത്. ആന്റണി പെരുമ്പാവൂരാണ് നിർമാണം. 

മോഹന്‍ലാലും ലാല്‍ജോസും സിനിമയിലെത്തിയിട്ട് വര്‍ഷം കുറേയായി. പക്ഷേ ഇരുവരും ഇതാദ്യമായാണ് ഒരുമിക്കുന്നത്. നേരത്തെ മോഹന്‍ലാലിനെ നായകനാക്കി രണ്ടു പ്രൊജക്ടുകളെക്കുറിച്ച് പ്ലാന്‍ ചെയ്തിരുന്നുവെങ്കിലും അതു നടക്കാതെ പോവുകയായിരുന്നു.