നിങ്ങളാണ് യഥാർത്ഥ സ്റ്റാർ! - മകളുടെ വിവാഹത്തിനു ആരാധകരെ ക്ഷണിച്ച വിക്രത്തിനു സ്നേഹപ്പെരുമഴ!

മകളുടെ വിവാഹ സൽകാരത്തിനു മൂവായിരം ആരാധകരെ ക്ഷണിച്ച് വിക്രം!

ചിയാൻ വിക്രം വാർത്തകളിൽ നിറയുകയാണ്. മകളുടെ വിവാഹം തന്നെ വിഷയം. കഴിഞ്ഞ തിങ്കളാഴ്ചയാണ് വിക്രമിന്‍റെ മകൾ അക്ഷിതയും രാഷ്ട്രീയ നേതാവ് കരുണാനിധിയുടെ ചെറുമകൻ മനു രഞ്ജിത്തും തമ്മിലും വിവാഹം നടന്നത്. കരുണാനിധിയുടെ വസതിയിൽ വച്ചായിരുന്നു വിവാഹം.

മകളുടെ വിവാഹം മൊബൈലിൽ പകർത്തുന്ന വിക്രത്തിന്റെ ചിത്രം സോഷ്യൽ മീഡിയകളിൽ വൈറലായിരുന്നു. ഇപ്പോഴിതാ, വിവാഹസൽക്കാരത്തിനു ആരാധകരെ ക്ഷണിച്ച് വ്യത്യസ്തനായിരിക്കുകയാണ് വിക്രം.

സിനിമാ ലോകത്തെ സുഹൃത്തുക്കൾക്കും ബന്ധുക്കൾക്കും വേണ്ടി നടത്തിയ വിവാഹ സൽക്കാരത്തിൽ ആരാധകർക്കും സ്ഥാനം ഉണ്ടായിരുന്നു. കേരള, തമിഴ്നാട്, കർണാടക എന്നിവിടങ്ങളിലെ മൂവായിരത്തോളം ആരാധകരെയാണ് അദ്ദേഹം വിവാഹ സൽക്കാരത്തിന് ക്ഷണിച്ചത്. മറ്റ് ഏത് സൂപ്പർ താരവും കാണിക്കാത്ത നല്ലൊരു കാര്യമാണ് വിക്രം ചെയ്തത്.