നിവിന്‍ പോളിയെ കൈവിട്ട് ‘ചങ്ക്’ അജു വര്‍ഗീസ്; കട്ട സപ്പോര്‍ട്ടുമായി തൃഷ

നിവിന് കട്ടസപ്പോര്‍ട്ടുമായി തൃഷ

നിവിന്‍ പോളി മലയാള സിനിമയുടെ ശാപമാണെന്ന രീതിയില്‍ നാന മാഗസിന്‍ കഴിഞ്ഞ ദിവസം ഒരു ഫേസ്ബുക്ക് പോസ്റ്റ് ഇട്ടിരുന്നു. ശ്യാമപ്രസാദ് സംവിധാനം ചെയ്യുന്ന ഹേയ് ജൂഡ് എന്ന ചിത്രത്തിന്റെ ലൊക്കേഷന്‍ ചിത്രങ്ങള്‍ പകര്‍ത്താന്‍ ചെന്നപ്പോള്‍ നിവിന്‍ അപമര്യാദയായി പെരുമാറി എന്നായിരുന്നു നാനയുടെ ആരോപണം. 

സംഭവത്തില്‍ നിവിന്റെ ഉറ്റസുഹൃത്തായ അജു വര്‍ഗീസോ സിനിമയിലെ മറ്റ് പ്രവര്‍ത്തകരോ ഒന്നും പ്രതികരിച്ചിട്ടില്ല. എന്നാല്‍, ഇപ്പോഴിതാ നിവിന് കട്ടസപ്പോര്‍ട്ടുമായി എത്തിയിരിക്കുകയാണ് ‘ഹേയ് ജൂഡിലെ’ നായിക തൃഷ. ചിത്രത്തിന്റെ ഫസ്റ്റ് ലുക്ക് പോസ്റ്റര്‍ റിലീസ് ചെയ്യുന്നതിന് മുന്‍പേ അഭിനേതാക്കളുടെ ഫോട്ടോ പുറത്ത് വിടുന്നത് സംവിധായകനോട് കാണിക്കുന്ന മര്യാദകേടാണെന്ന് തൃഷ പറയുന്നു.

ആരാധകര്‍ക്കൊപ്പം ഫോട്ടോ എടുക്കുന്നത് വളരെ സന്തോഷത്തോടെയാണെന്നും എന്നാല്‍ ഷൂട്ടിങ് ലൊക്കേഷനിലെ ചിത്രങ്ങള്‍ പുറത്ത് വിടരുതെന്നും ഇത് ശരിയല്ലെന്നും തൃഷ ട്വീറ്റ് ചെയ്തു. ചിത്രത്തിന്റെ ഫസ്റ്റ്‌ലുക്ക് പോസ്റ്റര്‍ റിലീസ് ചെയ്തതിന് ശേഷം പ്രചരിപ്പിച്ചാല്‍ മതി എന്ന് നിവിന്‍ പറഞ്ഞുവെന്നായിരുന്നു നാന എഴുതിയത്.