മഞ്ജുവിനായി പ്രണവ് ഇടപെട്ടു, ഒടിയനില്‍ നായിക മഞ്ജു തന്നെ! - സംവിധായകന്‍ വ്യക്തമാക്കുന്നു
‘ഒടിയനില്‍’ ഔട്ടായ മഞ്ജു ഇന്‍ ആയി ! കാരണം പ്രണവ് മോഹന്‍ലാല്‍
ശ്രീകുമാര മേനോന്‍ സംവിധാനം ചെയ്യുന്ന ഒടിയനില്‍ മഞ്ജു വാര്യര്‍ തന്നെ നായികയാകും. ദിലീപ് വിഷയത്തില്‍ മഞ്ജു വിവാദ കേന്ദ്രമായതോടെ താരത്തെ മാറ്റി മറ്റൊരാളെ നായികയാക്കുമെന്ന് റിപ്പോര്‍ട്ടുകള്‍ ഉണ്ടായിരുന്നു. എന്നാല്‍, ഈ തീരുമാനം മോഹന്‍ലാലിന്റെ മകന്‍ പ്രണവ് ഇടപെട്ടതോടെയാണ് മാറ്റിയതെന്നാണ് സൂചന.
ഒടിയന്റെയും പ്രണവിന്റെ ജിത്തു ജോസഫ് സംവിധാനം ചെയ്യുന്ന ചിത്രത്തിന്റെയും പൂജ തിരുവനന്തപുരത്ത് ഒരുമിച്ചാണ് നടത്തിയിരുന്നത്. തന്റെ കന്നി ചിത്രത്തോടൊപ്പം പ്രഖ്യാപിച്ച പിതാവിന്റെ ചിത്രത്തിലെ നായികയെ മാറ്റുന്നത് നല്ല തുടക്കമാവില്ലന്ന നിലപാടിലായിരുന്നുവത്രെ പ്രണവ്.
അതേസമയം, മഞ്ജു തന്നെ ഒടിയനില്‍ നായികയായി അഭിനയിക്കുമെന്ന് സംവിധായകന്‍ ശ്രീകുമാര്‍ ട്വീറ്റ് ചെയ്യുകയും ചെയ്തതോടെ ഈ വിഷയത്തില്‍ ഒരു തീരുമാനമായിരിക്കുകയാണ്.
