രാജ 2 വന്നാല്‍ നേരിടാന്‍ റെഡിയായി മോഹന്‍ലാല്‍, അണിയറയില്‍ ആലോചനകള്‍ സജീവം!
രാജ 2 വന്നാല്‍ നേര്‍ക്കുനേര്‍ പോരാടാന്‍ മോഹന്‍ലാല്‍ !
വൈശാഖ് തന്‍റെ അടുത്ത ബ്രഹ്‌മാണ്ഡചിത്രം പ്രഖ്യാപിച്ചുകഴിഞ്ഞു. മമ്മൂട്ടി നായകനാകുന്ന രാജ 2. ഈ സിനിമ മമ്മൂട്ടിയുടെ കരിയറിലെ ഏറ്റവും വലിയ മാസ് എന്‍റര്‍ടെയ്നറായിരിക്കുമെന്നാണ് വിവരം. മമ്മൂട്ടി ഇത്രയും കാലം ചെയ്ത സിനിമകളേക്കാളെല്ലാം കൂടുതല്‍ ബജറ്റില്‍ ഒരുങ്ങുന്ന സിനിമയുമായിരിക്കും. ഉദയ്കൃഷ്ണയാണ് തിരക്കഥ രചിക്കുന്നത്.
എന്തായാലും മമ്മൂട്ടി ആരാധകര്‍ രാജ 2വിന്‍റെ ആഘോഷം ഇപ്പൊഴേ തുടങ്ങിക്കഴിഞ്ഞു. എന്നാല്‍ മോഹന്‍ലാല്‍ ക്യാമ്പും ആരാധകരും ഈ വാര്‍ത്തയില്‍ നിരാശരൊന്നുമല്ല. കാരണം അവര്‍ക്ക് ആഘോഷിക്കാനുള്ള വകയും സംവിധായകന്‍ വൈശാഖ് തന്നെ നല്‍കുന്നുണ്ട്.
പുലിമുരുകന് ശേഷം അതേ ടീമിന്‍റെ മറ്റൊരു സിനിമ വരുന്നു. മോഹന്‍ലാല്‍ - വൈശാഖ് - ഉദയ്കൃഷ്ണ ടീമിന്‍റെ ബ്രഹ്മാണ്ഡ മാസ് മസാല ചിത്രത്തിന്‍റെ പ്രാരംഭ ജോലികളും ആരംഭിച്ചുകഴിഞ്ഞു. ഇതിന്‍റെയും കഥ പൂര്‍ത്തിയായിട്ടുണ്ട് എന്നാണ് വിവരം.
പുലിമുരുകനെ വെല്ലുന്ന ഒരു ആക്ഷന്‍ എന്‍റര്‍ടെയ്നര്‍ തന്നെയായിരിക്കും ഇതും എന്നാണ് വിവരം. മോഹന്‍ലാല്‍ ഈ സിനിമയില്‍ രാവണപ്രഭു, ആറാം തമ്പുരാന്‍ സ്റ്റൈലിലുള്ള ഒരു കഥാപാത്രത്തെ അവതരിപ്പിക്കുമെന്നാണ് വിവരം.
ഏറ്റവും കൌതുകകരമായ കാര്യം ഈ രണ്ട് പ്രൊജക്ടുകളും നിര്‍മ്മിക്കുന്നത് ടോമിച്ചന്‍ മുളകുപ്പാടമായിരിക്കും എന്നതാണ്.
