രാമനുണ്ണി കുതിക്കുമ്പോള്‍ തളര്‍ന്നുവീണ് സുജാത... ഇത് മഞ്ജു വാര്യര്‍ ചോദിച്ചു വാങ്ങിയ തോല്‍‌വി !

രാമനുണ്ണി കുതിക്കുന്നു.. തളര്‍ന്നുവീണ് സുജാത..

മാസങ്ങള്‍ നീണ്ടു നിന്ന അനിശ്ചിതത്വങ്ങള്‍ക്കൊടുവില്‍ ദിലീപ് നായകനായ രാമലീല തിയേറ്ററുകളിലേക്ക് എത്തി. മികച്ച പ്രതികരണമാണ് ഈ ചിത്രത്തിന് ലഭിച്ചുകൊണ്ടിരിക്കുന്നത്. രാമലീല പ്രദര്‍ശിപ്പിക്കുന്ന ഒട്ടുമിക്ക തിയേറ്ററുകളും ഹൗസ്ഫുളാണ്. അടുത്ത ഷോകള്‍ക്കായുള്ള ടിക്കറ്റുകളുടെ ബുക്കിങ്ങുകളും പൂര്‍ത്തിയായി കഴിഞ്ഞതായാണ് പൂറത്തുവരുന്ന റിപ്പോര്‍ട്ടുകള്‍. 

അതേസമയം, മഞ്ജുവാരിയര്‍ നായികയാകുന്ന ഉദാഹരണം സുജാത പ്രദര്‍ശിപ്പിക്കുന്ന പല തിയേറ്ററുകളിലും വേണ്ടത്ര ആളുകളിലെന്ന റിപ്പോര്‍ട്ടുകളും പുറത്തുവരുന്നുണ്ട്. പല തിയേറ്ററുകളിലും പകുതിയിലേറെ സീറ്റുകള്‍ ഒഴിഞ്ഞുകിടക്കുകയാണെന്നാണ് റിപ്പോര്‍ട്ടുകള്‍. തിരുവനന്തപുരം ശ്രീയില്‍ 336 സീറ്റുകളില്‍ വെറും 96 എണ്ണം മാത്രമാണ് ആദ്യ ഷോയ്ക്ക് വേണ്ടി വിറ്റുപോയതെന്നും റിപ്പോര്‍ട്ടില്‍ പറയുന്നു. 

എന്നാല്‍ പല തിയേറ്ററുകളിലും ഹൗസ്ഫുളായാണ് രാമലീല പ്രദര്‍ശിപ്പിക്കുന്നത്. കുടുംബപ്രേക്ഷകരുടെയും കുട്ടികളുടെയും സ്വന്തം താരമായ ദിലീപിന്റെ ചിത്രത്തിന് മികച്ച സ്വീകാര്യതയാണ് ലഭിച്ചുകൊണ്ടിരിക്കുന്നത്. 129 തിയേറ്ററുകളിലാണ് രാമലീല റിലീസ് ചെയ്തത്. വന്‍ ആഘോഷമായായിരുന്നു ആരാധകര്‍ ഈ ചിത്രത്തെ വരവേറ്റത്. ദിലീപ് ജയിലിലായതിനു ശേഷം റിലീസ് ചെയ്യുന്ന ആദ്യ ചിത്രം കൂടിയാണിത്.