‘രാമലീല ഗംഭീരം, ആര്‍ക്കും തോല്‍പ്പിക്കാനാകില്ല ഈ ഇഛാശക്തിയെ’ : വൈശാഖ്
അരുണ്‍, താങ്കളുണ്ടാകും മലയാള സിനിമയില്‍: വൈശാഖ്
നവാഗതനായ അരുണ്‍ ഗോപി സംവിധാനം ചെയ്ത ‘രാമലീല’യെന്ന സിനിമ മികച്ച പ്രതികരണവുമായി തിയേറ്ററുകളില്‍ മുന്നേറുകയാണ്. ജനപ്രിയ നടന്‍ ദിലീപ് നായകനാകുന്ന ചിത്രത്തെ പ്രശംസിച്ച് ഇതിനോടകം നിരവധി പേര്‍ രംഗത്തെത്തികഴിഞ്ഞു. ‘ഗംഭീരമെന്നാണ്’ രാമലീല കണ്ട സംവിധായകന്‍ വൈശാഖ് ഫേസ്ബുക്കില്‍ കുറിച്ചിരിക്കുന്നത്.
സന്തോഷിക്കേണ്ട ഈ മണിക്കൂറുകളില്‍ സംവിധായകനായ അരുണ്‍ ഗോപി അനുഭവിക്കുന്ന പ്രതിസന്ധികള്‍ കാണുമ്പോള്‍ വിഷമം തോന്നുന്നുവെന്ന് വൈശാഖ് കുറിക്കുന്നു. ഒരു സംവിധായകന്റെ ഇഛാശക്തിയെ ആര്‍ക്കും തോല്‍പ്പിക്കാനാകില്ലെന്നും അരുണിനോട് തളരരുതെന്നും വൈശാഖ് പറയുന്നുണ്ട്. മലയാള സിനിമയില്‍ അരുണ്‍ ഗോപിയെന്ന സംവിധായകന്‍ ഏറെക്കാലം ഉണ്ടാകുമെന്നും വൈശാഖ് പറയുന്നു.
