സിനിമാ പ്രേമികള്‍ കാത്തിരിക്കുന്ന മോഹന്‍ലാല്‍ ചിത്രമാണ് ആറാട്ട്. ബി ഉണ്ണികൃഷ്ണന്‍ സംവിധാനം ചെയ്യുന്ന ചിത്രത്തിന്റെ റിലീസ് പ്രഖ്യാപിച്ചു.
ഫെബ്രുവരി 18ന് മോഹന്‍ലാല്‍ ചിത്രം തിയറ്ററുകളിലെത്തും. മരക്കാറിന് ശേഷം തിയേറ്ററിലെത്തുന്ന നടന്റെ ചിത്രം കൂടിയാകും ഇത്. ബ്രോ ഡാഡി ഒ.ട.ടിയില്‍ റിലീസ് ചെയ്തിരുന്നു.
അമല്‍ നീരദും മമ്മൂട്ടിയും ഒന്നിക്കുന്ന 'ഭീഷ്മ പര്‍വ്വം' ഈ മാസത്തില്‍ തന്നെ റിലീസ് ഉണ്ടാകും എന്നും പറയപ്പെടുന്നു. ഫെബ്രുവരി അവസാനത്തോടെയോ അല്ലെങ്കില്‍ മാര്‍ച്ച് ആദ്യമോ ചിത്രം പ്രദര്‍ശനത്തിന് എത്തുമെന്നാണ് റിപ്പോര്‍ട്ടുകള്‍. ഔദ്യോഗിക പ്രഖ്യാപനം ഇതുവരെയും പുറത്തുവന്നിട്ടില്ല.
കഴിഞ്ഞ വര്‍ഷം ഒക്ടോബര്‍ 14നായിരുന്നു ആദ്യം ആറാട്ടിന്റെ റിലീസ് തീരുമാനിച്ചത്.
