Aavesham Box Office Collection: ഫഹദ് ഫാസില്‍ ചിത്രം ആവേശം 50 കോടി ക്ലബില്‍. റിലീസ് ചെയ്ത് അഞ്ച് ദിവസങ്ങള്‍ പിന്നിടുമ്പോഴാണ് ചിത്രം 50 കോടി ക്ലബിലേക്ക് എത്തിയത്. ഏപ്രില്‍ 11 വ്യാഴാഴ്ചയാണ് ആവേശം തിയറ്ററുകളിലെത്തിയത്. രോമാഞ്ചത്തിനു ശേഷം ജിതു മാധവന്‍ സംവിധാനം ചെയ്ത ചിത്രം കൂടിയാണ് ആവേശം.
റിലീസ് ചെയ്ത ദിനം 3.65 കോടിയാണ് ആവേശം ഇന്ത്യയില്‍ നിന്ന് കളക്ട് ചെയ്തത്. അഞ്ചാം ദിനമായ തിങ്കളാഴ്ച ആദ്യ ദിനത്തേക്കാള്‍ കളക്ട് ചെയ്യാന്‍ ആവേശത്തിനു സാധിച്ചു. 3.85 കോടിയാണ് ആവേശം അഞ്ചാം ദിനമായ തിങ്കളാഴ്ച ഇന്ത്യയില്‍ നിന്ന് നേടിയത്. വിജയകരമായി 'മണ്‍ഡേ ടെസ്റ്റ്' പാസായിരിക്കുകയാണ് ആവേശം.
നാല് ദിവസം കൊണ്ട് ആവേശം വേള്‍ഡ് വൈഡായി 40 കോടി കളക്ട് ചെയ്തിരുന്നു. അഞ്ചാം ദിനമായ തിങ്കളാഴ്ച വേള്‍ഡ് വൈഡായി 10 കോടിയില്‍ ഏറെ ആവേശം കളക്ട് ചെയ്തിട്ടുണ്ടാകുമെന്നാണ് കണക്കുകള്‍. അതനുസരിച്ച് ആവേശം വേള്‍ഡ് വൈഡായി 50 കോടി ക്ലബില്‍ എത്തിയിട്ടുണ്ടാകും.
