‘ദേ പപ്പാ... പപ്പയുടെ പപ്പ’; അമിതാഭ് ബച്ചനെ ഷാരൂഖിന്റെ പിതാവാക്കി അബ്‌റാം !
അമിതാഭ് ബച്ചനെ ഷാരൂഖിന്റെ പിതാവാക്കി അബ്‌റാം !
സോഷ്യല്‍ മീഡിയ കഴിഞ്ഞ ദിവസം ചര്‍ച്ച ചെയ്ത വിഷയമായിരുന്നു ഐശ്വര്യാറായിയുടെയും അഭിഷേക് ബച്ചന്റെയും മകളായ ആരാധ്യയുടെ പിറന്നാള്‍ ആഘോഷം. ആഘോഷത്തില്‍ ഷാരൂഖ് ഖാന്റെ മകന്‍ അബ്‌റാം, ആമിര്‍ഖാന്റെ മകന്‍ ആസാദ് റാവു ഖാന്‍, ശില്‍പ്പ ഷെട്ടിയുടെ മകന്‍ വിഹാന്‍ രാജ് തുടങ്ങിയവരും എത്തിയിരുന്നു.
എന്നാല്‍ ചടങ്ങില്‍ ആരാധ്യയെ പോലെ തന്നെ താരമായത് ഷാരൂഖിന്റെ ഇളയമകനായ അബ്‌റാം ആയിരുന്നു. ബിഗ് ബിയെ ടിവിയില്‍ എപ്പോള്‍ കണ്ടാലും പാപ്പ എന്ന വിളിച്ച് എപ്പോഴും സന്തോഷം പ്രകടിപ്പിക്കുന്ന അബ്‌റാം അന്നും ആ വിളി മറന്നില്ല. ഇക്കാര്യം ഷാരൂഖ് തന്നെയാണ് തന്റെ ട്വിറ്റിറിലൂടെ വെളിപ്പെടുത്തിയത്.
ഐശ്വര്യയുടെ പിതാവ് കൃഷ്ണരാജ് റായിയുടെ മരണശേഷം ബച്ചന്‍ കുടുംബം ആഘോഷങ്ങളില്‍ അധികം പങ്കെടുത്തിരുന്നില്ല. അതുകൊണ്ടു തന്നെയാണ് ആരാധ്യയുടെ പിറന്നാള്‍ ആഘോഷം ഗംഭീരമാക്കിത്തിര്‍ക്കാന്‍ താരങ്ങള്‍ തീരുമാനിച്ചത്.
