നടി മുക്തയുടെ ജീവിതത്തിലെ ഏറെ പ്രധാനപ്പെട്ട ഒരു ദിവസമാണ് ആഗസ്റ്റ് 30.2015ലെ ഓഗസ്റ്റ് 30നായിരുന്നു നടിയുടെ വിവാഹം. ഇതേ വര്‍ഷം ഓഗസ്റ്റ് 24ന് വിവാഹ നിശ്ചയം കഴിഞ്ഞ് ആറു ദിവസത്തിനുള്ളില്‍ മുക്തയുടെ വിവാഹവും നടന്നു. ഏഴാം വിവാഹ വാര്‍ഷികം ആഘോഷിക്കുകയാണ് നടിയും ഭര്‍ത്താവ് റിങ്കു ടോമിയും.
'ഇണങ്ങിയും പിണങ്ങിയും താങ്ങായും തണലായും ഒരുമിച്ചുള്ള..... 7 വര്‍ഷങ്ങള്‍ വിവാഹ വാര്‍ഷിക ആശംസകള്‍ എന്റെ റിങ്കു ടോമി'-മുക്ത കുറിച്ചു.
2005ല്‍ പുറത്തിറങ്ങിയ അച്ഛനുറങ്ങാത്ത വീട് എന്ന ചിത്രത്തിലൂടെയാണ് മുക്ത സിനിമയിലെത്തിയത്. അതിനുശേഷം തമിഴ് തെലുങ്ക് എന്നീ ഭാഷകളിലും നടി അഭിനയിച്ചു. അച്ഛനുറങ്ങാത്ത വീട് എന്ന ചിത്രത്തിലെ മുക്തയുടെ ലിസമ്മ എന്ന കഥാപാത്രം ഏറെ ശ്രദ്ധിക്കപ്പെട്ടിരുന്നു.
2007ല്‍ പുറത്തിറങ്ങിയ വിശാല്‍ ചിത്രം താമിരഭരണിയിലെ കോളേജ് വിദ്യാര്‍ഥിനിയായ ഭാനുമതിയെ ഇന്നുമോര്‍ക്കുന്നുവെന്ന് മുക്ത പറഞ്ഞിരുന്നു.