ഏറെ ആരാധകരുടെ അഭിനയത്രിയണ് തെന്നിന്ത്യൻ സൂപ്പർ നായിക സമാന്ത അക്കിനേനി. അതിനാൽ തന്നെ താരം എവിടെ പ്രത്യക്ഷപ്പെട്ടാലും ആരാധകരുടെ ഒരു കൂട്ടം വളയും. തനിക്ക് ഇഷ്ടമില്ലാത്ത കാര്യങ്ങൾ ആരെങ്കിലും ചെയ്താൽ പരസ്യമായി പ്രതികരിക്കാനും താരത്തിന് മടിയില്ല. താൻ ഗർഭിണിയാണ് എന്ന തരത്തിൽ വാർത്ത പ്രചരിപ്പിച്ച മാധ്യമങ്ങളെ താരം പരസ്യമായി തന്നെ വിമർശിച്ചിരുന്നു.
ക്ഷേത്ര ദർശനത്തിനിടെ അനുവാദമില്ലാതെ തന്റെ ദൃശ്യങ്ങൾ പകർത്താൻ ശ്രമിച്ച ആരാധകനോട് താരം ദേഷ്യപ്പെടുന്നതിന്റെ ദൃശ്യങ്ങളാണ് ഇപ്പോൾ സാമൂഹ്യ മാധ്യമങ്ങളിൽ പ്രചരിക്കുന്നത്. സുഹൃത്തുക്കൾക്കൊപ്പമാണ് താരം തിരുപ്പതി ക്ഷേത്രത്തിൽ ദർശനത്തിന് എത്തിയത്. ഇതിനിടെയിൽ സമാന്തയെ തിരിച്ചറിഞ്ഞ ആരാധകൻ പിന്തുടർന്ന് വീഡിയോയും ഫോട്ടോയും പകർത്തുകയായിരുന്നു.
താരത്തെ കണ്ടതോടെ ക്ഷേത്രമാണെന്നുപോലും നോക്കാതെ ആരാധകൻ പിന്നാലെ ഓടി ദൃശ്യങ്ങൾ പകർത്തുകയായിരുന്നു. കുറച്ചു നേരത്തേക്ക് താരം ഇത് കണ്ടില്ല എന്ന് നടിച്ചു. എന്നാൽ വീണ്ടും ഇയാൾ ഫോണുമായി പിന്തുടരാൻ തുടങ്ങിയതോടെ 'മര്യാദയ്ക്ക് പെരുമാറണം എന്റെ ചിത്രങ്ങൾ പകർത്തരുത്' എന്ന് താക്കീത് ചെയ്യുകയായിരുന്നു.
