2.0യിൽ വൻ താരനിര! രജനീകാന്തിനൊപ്പം ചിരഞ്ജീവിയും മഹേഷ് ബാബുവും?

ത്രില്ലടിപ്പിക്കാൻ രജനീകാന്ത്, വൻ താരനിര ഒരുക്കി 2.0

ആരാധകർ ഏറെ ആകാംഷയോടെ കാത്തിരിക്കുന്ന രജനീകാന്ത് ചിത്രമാണ് 2.0. ചിത്രത്തിൽ അരാധകർക്കായി സസ്പെസ് ഏറെയുണ്ടെന്ന് വാർത്തകൾ. രജനീകാന്തും അക്ഷയ്കുമാറിനും പുറമേ തെന്നിന്ത്യൻ സൂപ്പർ താരങ്ങൾ ചിരഞ്ജീവിയും മഹേഷ് ബാബുവും അതിഥി താരങ്ങളായി എത്തുന്നുവെന്ന് തമിഴ് മാധ്യമങ്ങൾ റിപ്പോർട്ട് ചെയ്യുന്നു. സംവിധായകൻ ഷങ്കറിന്റെ ക്ഷണം താരങ്ങൾ സ്വീകരിച്ചതായാണ് വിവരം.

ഞെട്ടിക്കുന്ന മേക്കോവറിലാണ് അക്ഷയ് കുമാർ ചിത്രത്തിൽ പ്രത്യക്ഷപ്പെടുന്നത്. തിന്മയ്ക്ക് വേണ്ടി ഗവേഷണം ചെയ്യുന്ന ഡോ. റിച്ചാർഡ് എന്ന ശാസ്ത്രഞ്ജന്റെ വേഷത്തിലാണ് അക്ഷയ് കുമാർ എത്തുന്നത്. രജനീകാന്ത് ഡോ. വസീഗരനായി തന്നെ എത്തുന്നു. ദി വേൾഡ് ഈസ് നോട്ട് ഫോർ ഹ്യൂമൻ എന്ന ടാഗ് ലൈനിലാണ് ചിത്രം എത്തുന്നത്.

ഇന്ത്യൻ സിനിമയിൽ തന്നെ ഏറെ തരംഗം സൃഷ്ടിച്ച സിനിമയാണ് എന്തിരൻ. അതിലേറെ പ്രതീക്ഷയാണ് 2.0 യിൽ ആരാധകർക്ക്. വളരെ ആഡംബരമായിട്ടാണ് ചിത്രത്തിന്റെ ഫസ്റ്റ് ലുക്ക് ലോഞ്ചിങ്ങ് നടന്നത്. സൽമാൻ 

ഖാൻ അടക്കമുള്ളവരുടെ സാന്നിധ്യത്തിലായിരുന്നു ലോഞ്ചിങ്ങ്.