കോടികളുടെ സ്വത്തുക്കള്‍ അമിതാഭ് ബച്ചന്‍ മറ്റൊരാള്‍ക്ക് കൈമാറുന്നു - പ്രശ്‌നം ഗുരുതരം
മരണശേഷം സ്വത്തുക്കൾ ആര്‍ക്ക്; വെളിപ്പെടുത്തലുമായി ബിഗ്ബി
സിനിമയ്‌ക്കൊപ്പം കുടുംബത്തെയും എന്നും നെഞ്ചോടു ചെര്‍ത്തുവച്ച ഇന്ത്യന്‍ സിനിമയുടെ ബിഗ്ബി അമിതാഭ് ബച്ചന്‍ തന്റെ സ്വത്തുക്കള്‍ ആര്‍ക്കെന്ന് വ്യക്തമാക്കി. നവമാധ്യമങ്ങളുടെ കടന്ന് കയറ്റം മൂലമാണ് വിഷയത്തില്‍ ഇത്രവേഗം തീരുമാനമെടുക്കാന്‍ അദ്ദേഹത്തെ പ്രേരിപ്പിച്ചതെന്ന അഭിപ്രായവും ബോളിവുഡില്‍ നിന്നുയരുന്നുണ്ട്.
ലിംഗസമത്വത്തിനു വേണ്ടിയും സ്ത്രീ സുരക്ഷയ്ക്കു വേണ്ടിയും എന്നും ശക്തമായി വാദിക്കുന്നയാളാണ് ഞാൻ. അതുകൊണ്ട് തന്നെ ഞാന്‍ മരിക്കുമ്പോൾ എന്റെ സ്വത്തുക്കൾ എന്റെ രണ്ടുമക്കളായ ശ്വേതയ്ക്കും അഭിഷേകിനും തുല്യമായി പങ്കുവെയ്ക്കാനാണ് ആഗ്രഹിക്കുന്നതെന്ന് ബച്ചൻ അഭിപ്രായപ്പെട്ടു.
സ്‌ത്രീകള്‍ നേരിടുന്ന പ്രശ്‌നങ്ങള്‍ ആധാരമാക്കി കഴിഞ്ഞ വർഷം പുറത്തിറങ്ങിയ പിങ്ക് എന്ന ചിത്രത്തില്‍ അമിതാഭ് ബച്ചന്‍ പ്രധാനപ്പെട്ട ഒരു വേഷം ചെയ്തിരുന്നു. ചിത്രത്തില്‍ അഭിഭാഷകന്റെ റോളിലാണ് അദ്ദേഹം പ്രത്യക്ഷപ്പെട്ടത്. ബിഗ്ബിക്ക് ഏറെ പ്രശംസയും കൈയടിയും ലഭിച്ച വേഷമായിരുന്നു പിങ്കിലേത്.
അതേസമയം, പരസ്യമാ‍യി സ്വത്തവകാശത്തില്‍ നിലപാട് വ്യക്തമാക്കിയ ബിഗ്ബി ആരാധകരുടെ മനസിനെ പ്രചോദിപ്പിച്ചിരിക്കുകയാണ്. കുടുംബത്തിൽ സ്ത്രീകൾക്കുള്ള പരിഗണനയും കരുതലും അവകാശങ്ങളും ഈ തുറന്നു പറച്ചിലിലൂടെ വ്യക്തമാക്കുകയാണ് അമിതാഭ് ബച്ചന്‍ എന്ന അച്ഛൻ.
