ആസിഫ് അലിയുടെ കരിയറില്‍ ഏറെ നിര്‍ണായകമായ സിനിമയായിരുന്നു സോള്‍ട്ട് ആന്റ് പെപ്പര്‍. ആഷിക്ക് അബുവാണ് ഈ സിനിമയുടെ സംവിധായകന്‍. ആഷിഖ് അബു ആദ്യം കഥ പറഞ്ഞപ്പോള്‍ സോള്‍ട്ട് ആന്റ് പെപ്പര്‍ സിനിമയെ കുറിച്ച് തനിക്ക് ഒന്നും മനസിലായില്ലെന്ന് ആസിഫ് അലി പറയുന്നു. തന്റെ ഉള്ളിലെ കോഴിത്തരങ്ങളെല്ലാം നിറഞ്ഞ കഥാപാത്രമായിരുന്നു സോള്‍ട്ട് ആന്റ് പെപ്പറിലെ മനു എന്ന് ആസിഫ് പറഞ്ഞു. ഈ സിനിമയില്‍ നീ അധികം കഷ്ടപ്പെട്ട് അഭിനയിക്കാനൊന്നും നില്‍ക്കരുത്, നീ എന്താണോ അത് ഈ സിനിമയില്‍ ചെയ്താല്‍ മതിയെന്നാണ് ആഷിക്ക് അബു തനിക്ക് ഉപദേശം നല്‍കിയതെന്നും ആസിഫ് അലി ഓര്‍ക്കുന്നു.
