'സിബിഐ 6'ല്‍ സേതുരാമയ്യര്‍ കൊലപാതക കേസ് അന്വേഷിക്കില്ല, സൂചന നല്‍കി മമ്മൂട്ടി

'സിബിഐ 5: ദി ബ്രെയിന്‍' പ്രദര്‍ശനം തുടരുകയാണ്.'സിബിഐ 5'ന്റെ പ്രൊമോഷണല്‍ ഇവന്റിനിടെ സിബിഐ ആറാം ഭാഗത്തെക്കുറിച്ച് മമ്മൂട്ടി സൂചന നല്‍കി.

സേതുരാമയ്യര്‍ എന്ന കഥാപാത്രത്തിന് കൊലപാതകക്കേസുകള്‍ മാത്രം അന്വേഷിക്കുന്നതില്‍ നിന്ന് ഒരു ഇടവേള നല്‍കണമെന്ന് സംവിധായകന്‍ കെ മധുവിനോടും എഴുത്തുകാരന്‍ എസ് എന്‍ സ്വാമിയോടും താന്‍ ആവശ്യപ്പെട്ടിരുന്നുവെന്ന് പ്രൊമോഷന്‍ ചടങ്ങില്‍ മമ്മൂട്ടി പറഞ്ഞു. അഴിമതിയുമായി ബന്ധപ്പെട്ട കേസുകള്‍ അല്ലെങ്കില്‍ വന്‍ കവര്‍ച്ചക്കേസുമായി ബന്ധപ്പെട്ട ചില കേസുകള്‍ സേതുരാമ അയ്യര്‍ അന്വേഷിക്കണമെന്ന് കെ മധുവിനോടും ആവശ്യപ്പെട്ടിട്ടുണ്ടെന്നും മമ്മൂട്ടി കൂട്ടിച്ചേര്‍ത്തു. 'സിബിഐ 6' അത്തരം ഉള്ളടക്കം കൈകാര്യം ചെയ്യുമെന്ന് താന്‍ ശരിക്കും പ്രതീക്ഷിക്കുന്നുവെന്ന് പറഞ്ഞുകൊണ്ട് മമ്മൂട്ടി സിബിഐ സീരീസിന്റെ ആറാം ഭാഗത്തെക്കുറിച്ച് സൂചന നല്‍കി. ആറാം ഭാഗത്തെക്കുറിച്ച് ടീം ഇതുവരെ ചിന്തിച്ചിട്ടില്ലെന്നും താരം പറഞ്ഞു.