നായകനെക്കാള്‍ കൂടുതല്‍ പ്രതിഫലം വാങ്ങുന്ന നായിക,'ചന്ദ്രമുഖി 2'ല്‍ അഭിനയിക്കാന്‍ കങ്കണ വാങ്ങിയത്

ചന്ദ്രമുഖി രണ്ടാം ഭാഗം സെപ്റ്റംബര്‍ 28നാണ് പ്രദര്‍ശനത്തിന് എത്തിയത്. സമ്മിശ്ര പ്രതികരണമാണ് ആദ്യം മുതല്‍ സിനിമയ്ക്ക് ലഭിച്ചത്. സിനിമയില്‍ അഭിനയിച്ച താരങ്ങള്‍ വാങ്ങിയ പ്രതിഫലം എത്രയാണെന്ന് നോക്കാം. നായകനായി എത്തിയ രാഘവ ലോറന്‍സിനെ കാള്‍ കൂടുതല്‍ പ്രതിഫലം നായിക കങ്കണക്ക് ലഭിച്ചു.

 ആദ്യഭാഗം ഒരുക്കിയ സംവിധായകന്‍ പി വാസു തന്നെയാണ് രണ്ടാം ഭാഗവും സംവിധാനം ചെയ്തത്. ദക്ഷിണേന്ത്യയില്‍ ഒരു നടിക്ക് ലഭിക്കുന്ന ഏറ്റവും വലിയ പ്രതിഫലമാണ് കങ്കണക്ക് ലഭിച്ചത്. 20 കോടിയാണ് നടിയുടെ പ്രതിഫലം. 10 കോടി വാങ്ങുന്ന നയന്‍താരയാണ് ദക്ഷിണേന്ത്യയില്‍ ഏറ്റവും കൂടുതല്‍ പ്രതിഫലം വാങ്ങുന്ന നടി. ഇതിന്റെ ഇരട്ടിയാണ് ചന്ദ്രമുഖിയില്‍ അഭിനയിക്കാന്‍ കങ്കണ വാങ്ങിയത്.നായകനായ രാഘവ ലോറന്‍സിന് ലഭിച്ചിരിക്കുന്നത് 15 കോടിയാണ്. വടിവേലു ഉള്‍പ്പെടെയുള്ള സിനിമയിലെ മറ്റു താരങ്ങള്‍ക്ക് ലഭിച്ച പ്രതിഫലം നോക്കാം.

 വടിവേലുവിന് രണ്ട് കോടിയാണ് പ്രതിഫലം. സൃഷ്ടി ഡാങ്കെയ്ക്ക് മുപ്പത് ലക്ഷം, ലക്ഷ്മി മേനോന്‍ 25 ലക്ഷം, എന്നിങ്ങനെയാണ് പ്രതിഫലമായി ലഭിച്ചത്. രാധിക ശരത് കുമാറിന് 35 ലക്ഷവും, മിഥുന്‍ ശ്യാമിന് 25 ലക്ഷവും, റാവു രമേഷിന് 50 ലക്ഷവും, സുരേഷ് മേനോന് 30 ലക്ഷവുമാണ് പ്രതിഫലം.