പണം വാരിക്കൂട്ടി 'പ്രേമലു' ! നാലുദിവസംകൊണ്ട് 7 കോടി, കളക്ഷന്‍ റിപ്പോര്‍ട്ട്

Premalu

നസ്‌ലിനിന്റെ പ്രേമലു വിജയകരമായി പ്രദര്‍ശനം തുടരുന്നു.വമ്പന്‍മാരെ പോലും വീഴ്ത്തുന്ന പ്രകടമാണ് ഗിരീഷ് എഡി ചിത്രം കാഴ്ച വെയ്ക്കുന്നത്.റിലീസ് ചെയ്ത് ആദ്യ നാല് ദിവസങ്ങള്‍ക്കുള്ളില്‍ തന്നെ ചിത്രം ഏഴ് കോടിയിലധികം നേടി.

 ' ഇന്ത്യയില്‍ നിന്നും 5.50 കോടി രൂപ നേടി. നാലാം ദിവസം, ഏകദേശം 1.60 കോടി രൂപ (ആദ്യ കണക്കുകള്‍) കളക്റ്റ് ചെയ്തു.

ആദ്യ ദിനം 90 ലക്ഷം രൂപയും ശനിയാഴ്ച രണ്ടാം ദിനത്തില്‍ 1.9 കോടി രൂപയുമാണ് 'പ്രേമലു' നേടിയത്.

 ഞായറാഴ്ച ഏറ്റവും കൂടുതല്‍ കളക്ഷന്‍ നേടിയ ചിത്രം 2.7 കോടി രൂപയാണ് നേടിയത്.  

 2024 ഫെബ്രുവരി 12 തിങ്കളാഴ്ച സിനിമയുടെ മലയാളം ഒക്യുപ്പന്‍സി 43.29% ആണ്. മമിതയാണ് നായിക. ശ്യാം മോഹന്‍, അഖില ഭാര്‍ഗവന്‍, സംഗീത് പ്രതാപ്, മീനാക്ഷി രവീന്ദ്രന്‍ എന്നിവരും മറ്റ് പ്രധാന വേഷങ്ങളില്‍ എത്തുന്നത്.

ഹൈദരാബാദ് പശ്ചാത്തലമാക്കി ഒരുക്കിയ റൊമാന്റിക് കോമഡി ചിത്രമാണ് 'പ്രേമലു'. തിരുവനന്തപുരം, കൊച്ചി, ഹൈദരാബാദ്, പൊള്ളാച്ചി എന്നിവിടങ്ങളിലായാണ് ചിത്രീകരണം പൂര്‍ത്തിയായത്.ഗിരീഷ് ഏ ഡി, കിരണ്‍ ജോസി ചേര്‍ന്നാണ് തിരക്കഥ ഒരുക്കിയിരിക്കുന്നത്. തല്ലുമാല, സുലേഖ മനസില്‍ തുടങ്ങിയ ചിത്രങ്ങളിലൂടെ ശ്രദ്ധേയനായ വിഷ്ണു വിജയന്‍ ചിത്രത്തിനായി സംഗീതം ഒരുക്കുന്നു.

അജ്മല്‍ സാബു ഛായാഗ്രഹണവും ആകാശ് ജോസഫ് എഡിറ്റിങ്ങും നിര്‍വ്വഹിക്കുന്നു.