വിജയം കണ്ടേ മടങ്ങൂ...12-ാം ദിവസം 'അഞ്ചക്കള്ളകോക്കാൻ' നേടിയ കളക്ഷൻ, പ്രതീക്ഷകളോടെ നിർമ്മാതാക്കൾ

Anchakkallakokkan

2024 മലയാള സിനിമയെ സംബന്ധിച്ചിടത്തോളം ഒരുപാട് സർപ്രൈസ് നിറഞ്ഞതാണെന്ന് ആദ്യം തന്നെ മനസ്സിലാക്കിത്തന്നു. മഞ്ഞുമ്മൽ ബോയ്സ്, പ്രേമലു, ഭ്രമയുഗം തുടങ്ങിയ ചിത്രങ്ങൾ വിജയമായപ്പോൾ എല്ലാവരും പ്രതീക്ഷയർപ്പിച്ച മലൈക്കോട്ടൈ വാലിബന്‍ വീഴുന്ന കാഴ്ചയാണ് കണ്ടത്. ഒടുവിൽ പ്രദർശനത്തിന് എത്തിയ അഞ്ചക്കള്ളകോക്കാൻ സർപ്രൈസ് മുന്നേറ്റമാണ് നടത്തിക്കൊണ്ടിരിക്കുന്നത്. 12 ദിവസങ്ങൾ പിന്നിട്ട് പ്രദർശനം തുടരുന്നു.  

12-ാം ദിവസം തിയേറ്ററുകളിൽ നിന്ന് 16 ലക്ഷം രൂപ നേടി.11-ാം ദിവസം 9 ലക്ഷം രൂപ കളക്ഷൻ നേടിയിരുന്നു. വലിയ ബഹളമില്ലാതെ എത്തിയ കുഞ്ഞു സിനിമയെ സംബന്ധിച്ചിടത്തോളം ഇത് നേട്ടമാണ്. സ്ഥിരതയുള്ള പ്രകടനമാണ് ബോക്സ് ഓഫീസിൽ സിനിമ കാഴ്ച വെക്കുന്നത്. പ്രേക്ഷകർക്കിടയിൽ ചിത്രത്തിൻറെ ജനപ്രീതി വർധിപ്പിക്കുന്ന കാഴ്ചയാണ് കാണാനാകുന്നത്.

 ചിത്രത്തിൻ്റെ മൊത്തം ഇന്ത്യൻ ബോക്‌സ് ഓഫീസ് കളക്ഷൻ ഇപ്പോൾ 2.37 കോടി രൂപയാണ്, ലോകമെമ്പാടുമുള്ള കളക്ഷൻ 2.23 കോടി രൂപയാണ്.