ഇത്ര ഇറുകിയ വസ്ത്രങ്ങള്‍ ധരിക്കണോ? ജാന്‍വി കപൂറിന്റെയും ശില്പ ഷെട്ടിയുടെയും വസ്ത്രധാരണത്തിനെതിരെ വിമര്‍ശനം

Jhanvi kapoor

സെലിബ്രിറ്റികളുടെ ഫാഷന്‍ സെന്‍സും സ്‌റ്റൈലുമെല്ലാം പലപ്പോഴും സമൂഹമാധ്യമങ്ങളില്‍ വളരെയധികം ട്രെന്‍ഡിങ്ങായി മാറാറുണ്ട്. പ്രശംസയ്‌ക്കൊപ്പം തന്നെ വിമര്‍ശനങ്ങളും പലപ്പോഴും വസ്ത്രധാരണത്തെ പറ്റി വരാറുണ്ട്. അത്തരത്തില്‍ അടുത്തിടെ ബോളിവുഡ് താരമായ ജാന്‍വി കപൂര്‍ ഒരു അവാര്‍ഡ് ദാനചടങ്ങില്‍ ധരിച്ച വസ്ത്രമാണ് ഇപ്പോള്‍ സമൂഹമാധ്യമങ്ങളില്‍ വിമര്‍ശിക്കപ്പെടുന്നത്.

5 ലക്ഷം രൂപ വരുന്ന ഗ്ലാമറസ് വസ്ത്രമാണ് അവാര്‍ഡ് ചടങ്ങിനായി താരം ധരിച്ചത്. ജാന്‍വിയുടെ വസ്ത്രം ഏറെ ഇറുകിയതാണെന്നും ഒരു പുരസ്‌കാരചടങ്ങിന് വരുമ്പോള്‍ ഇത്തരം വസ്ത്രങ്ങള്‍ ധരിക്കരുതെന്നും പതിവ് പോലെ ഒരു കൂട്ടം വിമര്‍ശിക്കുന്നു. ജാന്‍വിക്ക് പുറമെ അനന്യ പാണ്ഡെ,കിയാര്‍ അദ്വാനി,ശില്പ ഷെട്ടി തുടങ്ങിയവരും ചടങ്ങിനെത്തിയിരുന്നു. ശില്പ ഷെട്ടിയുടെ വസ്ത്രവും ആളുകളെ ചൊടുപ്പിച്ചിട്ടുണ്ട്. അതേസമയം വലിയ രീതിയിലാണ് ഈ ചിത്രങ്ങളെ സമൂഹമാധ്യമങ്ങള്‍ ഏറ്റെടുത്തിരിക്കുന്നത്.