'നസ്രിയ അൺസഹിക്കബിൾ, ക്യൂട്ട്നെസ്സ് വാരി വിതറുന്നുണ്ട്': നടിക്കെതിരെ സൈബർ ആക്രമണം

മലയാളികളുടെ കൺമുന്നിൽ വളർന്ന് താരമായി മാറിയ അഭിനേത്രിയാണ് നസ്രിയ നസീം. ഇന്നത്തെ യുവതലമുറയ്ക്ക് ചിന്തിക്കാൻ പോലും കഴിയാത്ത ഫൻബേസ് ഒരുകാലത്ത് നസ്രിയയ്ക്ക് ഉണ്ടായിരുന്നു. തമിഴിലും മലയാളത്തിലും സിനിമകൾ ചെയ്ത് തിരക്കേറിയ സമയത്തായിരുന്നു നടിയുടെ വിവാഹം. ശേഷം വല്ലപ്പോഴുമേ സിനിമകൾ ചെയ്തിട്ടുള്ളൂ.

എന്നാൽ കഴിഞ്ഞ ദിവസം ഏറ്റവും പുതിയ സിനിമ സൂക്ഷ്മദർശിനിയുടെ പ്രമോഷന്റെ ഭാ​ഗമായി നായകൻ ബേസിലിനൊപ്പം നസ്രിയ നൽകിയ അഭിമുഖങ്ങൾക്കെല്ലാം വ്യത്യസ്തമായ പ്രതികരണമായിരുന്നു ലഭിച്ചത്. നസ്രിയ ഓവറാണെന്നും വിരസത തോന്നിപ്പിക്കുന്ന തരത്തിലുള്ള പെരുമാറ്റമാണ് നടിക്കുള്ളതെന്നും വിമർശനങ്ങൾ വന്നു. ഇപ്പോഴിതാ ബോസിൽ‌-നസ്രിയ അഭിമുഖങ്ങളെ കുറിച്ച് ബി​ഗ് ബോസ് താരവും റിയാക്ഷൻ വീഡിയോകളിലൂടെ ശ്രദ്ധിക്കപ്പെട്ട യുട്യൂബറുമായ സായ് കൃഷ്ണ പറഞ്ഞ വാക്കുകളാണ് ശ്രദ്ധിക്കപ്പെടുന്നത്. 

നസ്രിയ അൺസഹിക്കബിളായിരുന്നുവെന്നും പലപ്പോഴും അഭിമുഖങ്ങളിലും നസ്രിയയെ ആർട്ടിഫിഷലായി തോന്നിയെന്നും അതിനാടകീയതയുണ്ടായിരുന്നുവെന്നും സായ് കൃഷ്ണ പറയുന്നു. മമ്മൂട്ടിയെ പോലെ നസ്രിയയും കൂടെയുള്ളവരെ ഒന്നും സംസാരിക്കാൻ അനുവദിക്കുന്നില്ലെന്ന് സോഷ്യൽ മീഡിയ ചൂണ്ടിക്കാട്ടുന്നു.