സിനിമയില്‍ പവര്‍ ഗ്രൂപ്പുണ്ട്; താന്‍ അതിന്റെ ഇരയാണെന്ന് പ്രിയനന്ദനന്‍

സിനിമയില്‍ പവര്‍ ഗ്രൂപ്പുണ്ടെന്നും താന്‍ അതിന്റെ ഇരയാണെന്നും സംവിധായകന്‍ പ്രിയനന്ദനന്‍. പൃഥ്വിരാജിനെ നായകനാക്കിയുള്ള തന്റെ സിനിമ മുടങ്ങാന്‍ കാരണം പവര്‍ ഗ്രൂപ്പാണെന്നും എംടിയുടെ ഒരു കഥയെ ആസ്പദമാക്കിയുള്ള സിനിമയായിരുന്നു അതൊന്നും പ്രിയനന്ദനന്‍ പറഞ്ഞു. പവര്‍ ഗ്രൂപ്പ് ഇല്ലായിരുന്നുവെങ്കില്‍ 2004ല്‍ ആറു ദിവസം ഷൂട്ട് ചെയ്ത തന്റെ സിനിമ അവസാനിപ്പിക്കേണ്ടി വരില്ലായിരുന്നു. 

പൃഥ്വിരാജ് അഭിനയിക്കുന്നുണ്ടെങ്കില്‍ മറ്റാരും സഹകരിക്കില്ലായെന്നായിരുന്നു അന്ന് എനിക്ക് കിട്ടിയ അറിയിപ്പ്. പവര്‍ ഗ്രൂപ്പ് ഇല്ലെന്ന് മമ്മൂട്ടിക്കും മോഹന്‍ലാലിനും പറയാം. അവര്‍ക്ക് അങ്ങനെ ഒരു അനുഭവം ഉണ്ടായിട്ടുണ്ടാകില്ലെന്നും സംവിധായകന്‍ പറഞ്ഞു.