Dominic and The Ladies Purse: മമ്മൂട്ടി കമ്പനിയുടെ ആദ്യ പരാജയ ചിത്രമാകുമോ 'ഡൊമിനിക്'? ഇതുവരെ കളക്ട് ചെയ്തത്

എട്ട് ദിവസം കൊണ്ട് 7.87 കോടിയാണ് ഡൊമിനിക് ആന്റ് ദി ലേഡീസ് പേഴ്‌സിന്റെ ഡൊമസ്റ്റിക് കളക്ഷന്‍. വേള്‍ഡ് വൈഡ് കളക്ഷന്‍ 14.5 കോടിയായി

Dominic and The Ladies Purse: മമ്മൂട്ടി കമ്പനിയുടെ ആറാമത്തെ ചിത്രമായ 'ഡൊമിനിക് ആന്റ് ദി ലേഡീസ് പേഴ്‌സ്' ബോക്‌സ്ഓഫീസില്‍ താഴേക്ക്. റിലീസ് ചെയ്തു എട്ടാം ദിവസമായ ഇന്നലെ 30 ലക്ഷത്തിനു അടുത്ത് മാത്രമാണ് ചിത്രത്തിന്റെ ഇന്ത്യ നെറ്റ് കളക്ഷന്‍. മമ്മൂട്ടി കമ്പനിയുടെ ആദ്യ പരാജയ ചിത്രമായി ഡൊമിനിക് മാറാനാണ് സാധ്യത. 

എട്ട് ദിവസം കൊണ്ട് 7.87 കോടിയാണ് ഡൊമിനിക് ആന്റ് ദി ലേഡീസ് പേഴ്‌സിന്റെ ഡൊമസ്റ്റിക് കളക്ഷന്‍. വേള്‍ഡ് വൈഡ് കളക്ഷന്‍ 14.5 കോടിയായി. വേള്‍ഡ് വൈഡ് ബോക്‌സ്ഓഫീസില്‍ 20 കോടിയെങ്കിലും കളക്ട് ചെയ്യാതെ ഡൊമിനിക് ആന്റ് ദി ലേഡീസ് പേഴ്‌സിനു ഹിറ്റ് സ്റ്റാറ്റസ് നേടാന്‍ സാധിക്കില്ലെന്നാണ് റിപ്പോര്‍ട്ട്. 

മമ്മൂട്ടി കമ്പനിയുടേതായി ഇതുവരെ ഇറങ്ങിയ സിനിമകളെല്ലാം സാമ്പത്തികമായി ലാഭമായിരുന്നു. നന്‍പകല്‍ നേരത്ത് മയക്കം, കാതല്‍, റോഷാക്ക്, കണ്ണൂര്‍ സ്‌ക്വാഡ്, ടര്‍ബോ എന്നിവയാണ് മമ്മൂട്ടി കമ്പനിയുടെ മുന്‍ ചിത്രങ്ങള്‍. ജിതിന്‍ കെ ജോസ് സംവിധാനം ചെയ്യുന്ന സിനിമയാണ് മമ്മൂട്ടി കമ്പനിയുടേതായി അണിയറയില്‍ ഒരുങ്ങിക്കൊണ്ടിരിക്കുന്നത്.