ബിലാലില്‍ മമ്മൂട്ടിയുടെ മകനും ? ചിത്രത്തില്‍ അഭിനയിക്കുന്നതിനെ കുറിച്ച് ദുല്‍ഖര്‍ സല്‍മാന്‍

മമ്മൂട്ടിയും ദുല്‍ഖര്‍ സല്‍മാനും ഒന്നിക്കുന്ന ഒരു സിനിമ ആരാധകര്‍ ആഗ്രഹിക്കുന്നു. ഇരുവരും ബിലാലില്‍ ഒരുമിച്ച് അഭിനയിക്കുമെന്ന് നേരത്തെ റിപ്പോര്‍ട്ടുകള്‍ ഉണ്ടായിരുന്നു. ഇതിന് മറുപടി നല്‍കുകയാണ് ദുല്‍ഖര്‍.

ഈ അഭ്യൂഹം താനും കേട്ടിരുന്നു എന്ന് ദുല്‍ഖര്‍.അച്ഛന്റെ വിജയകരമായ സിനിമയുടെ തുടര്‍ച്ചയായതിനാല്‍ സ്‌ക്രിപ്റ്റ് ആവശ്യപ്പെടുന്നുവെങ്കില്‍ മാത്രമേ ഇത് സംഭവിക്കൂ.ഇതിനെ കുറിച്ച് അഭിപ്രായം പറയാന്‍ യോജിച്ച ആളുകള്‍ സംവിധായകനും തിരക്കഥാകൃത്തുമാണ്. അത് സംഭവിക്കുകയാണെങ്കില്‍ മഹത്തരമായിരിക്കും. ആവശ്യമുണ്ടെങ്കില്‍ മാത്രമേ അത് നടക്കൂവെന്ന് ദുല്‍ഖര്‍ സല്‍മാന്‍ പറഞ്ഞു.