വലിയ ക്യാന്‍വാസില്‍ സ്വന്തം സിനിമ നിര്‍മ്മിക്കാനൊരുങ്ങി ദുല്‍ഖര്‍ സല്‍മാന്‍, അണിയറയില്‍ പുത്തന്‍ ചിത്രം!

ജോഷിയുടെ മകന്‍ അഭിലാഷ് സംവിധായകനായി അരങ്ങേറ്റം കുറിക്കുന്നു.ദുല്‍ഖര്‍ സല്‍മാന്‍ ചിത്രത്തില്‍ നായകനാകും. ബിഗ് ക്യാന്‍വാസില്‍ നിര്‍മ്മിക്കുന്ന എന്റര്‍ടെയ്നറായിരിക്കുമെന്ന് ഇതെന്ന് നടന്‍ അടുത്തിടെ ഒരു അഭിമുഖത്തില്‍ വെളിപ്പെടുത്തി. അച്ഛന്റെ സിനിമകള്‍ പോലെ എല്ലാ വിഭാഗം ആളുകളെയും രസിപ്പിക്കുന്ന ചിത്രം നിര്‍മ്മിക്കാനുള്ള തയ്യാറെടുപ്പിലാണ് അഭിലാഷ്. ഇതുവരെ പേരിടാത്ത ചിത്രത്തെക്കുറിച്ചുള്ള ഔദ്യോഗിക പ്രഖ്യാപനം ഉടന്‍ തന്നെ ഉണ്ടാകും.

ജോഷിയുടെ പൊറിഞ്ചു മറിയം ജോസിന് തിരക്കഥയെഴുതിയ അഭിലാഷ് എന്‍ ചന്ദ്രന്‍ തന്നെയാണ് ഈ സിനിമയ്ക്കും തിരക്കഥയൊരുക്കുന്നത്. ദുല്‍ഖര്‍ സല്‍മാന്‍ ചിത്രം നിര്‍മ്മിക്കുന്നു. 

ഹനു രാഘവപുടി സംവിധാനം ചെയ്യുന്ന തെലുങ്ക് റൊമാന്റിക് പിരീഡ് ഡ്രാമയില്‍ അഭിനയിക്കുകയാണ് നടന്‍.ലെഫ്റ്റനന്റ് റാം എന്ന സൈനിക ഉദ്യോഗസ്ഥനായി അദ്ദേഹം വേഷമിടുന്നു.

റോഷന്‍ ആന്‍ഡ്രൂസ് ചിത്രം 'സല്യൂട്ട്'ചിത്രീകരണം പൂര്‍ത്തിയാക്കിയശേഷമാണ് നടന്‍ തെലുങ്ക് ചിത്രത്തിന്റെ ഭാഗമായത്.