'ഞങ്ങളുടെ ജീവിതം സിനിമ ആക്കണം'; ആഗ്രഹം പ്രകടിപ്പിച്ച് ഇ ബുള്‍ജെറ്റ് സഹോദരന്‍മാര്‍

ഇ ബുള്‍ജെറ്റ് സഹോദരന്‍മാരുടെ ജീവിതം സിനിമയാക്കാന്‍ പോകുന്നു. തങ്ങളുടെ ജീവിതം സിനിമ ആക്കണമെന്ന ആഗ്രഹം പ്രകടിപ്പിച്ച് ഇ ബുള്‍ജെറ്റ് സഹോദരന്‍മാര്‍ തന്നെയാണ് സോഷ്യല്‍ മീഡിയയിലൂടെ രംഗത്തെത്തിയിരിക്കുന്നത്.ലിബിന്‍ ആണ് പോസ്റ്റ് പങ്കുവെച്ചത്.

''ഞങ്ങളുടെ ജീവിതം സിനിമയാക്കാന്‍ ആഗ്രഹിക്കുന്നു ഇതുമായി ബന്ധപ്പെട്ട ആരെങ്കിലും ഉണ്ടെങ്കില്‍ താഴെ കാണുന്ന മെയില്‍ അടിയില്‍ ബന്ധപ്പെടുക ebulljet@gmail.com'- എന്നാണ് അവര്‍ കുറിച്ചിരിക്കുന്നത്.

View this post on Instagram

A post shared by E BULL JET (@e_bull_jet)

ഓഗസ്റ്റ് മാസം ആദ്യമായിരുന്നു ഇ ബുള്‍ ജെറ്റ് സഹോദരന്മാര്‍ അറസ്റ്റിലാകുന്നത്.ലിബിന്റെയും എബിന്റെയും 'നെപ്പോളിയന്‍' എന്ന വാഹനം നിയമവിരുദ്ധമായി രൂപമാറ്റങ്ങള്‍ വരുത്തിയതിനാണ് മോട്ടോര്‍ വാഹന വകുപ്പ് വാഹനം കസ്റ്റഡിയിലെടുക്കുകയും പിഴയിടുകയും ചെയ്തത്.