നിവിന്‍ പോളിയുടെ 'തുറമുഖം' റിലീസ് മാര്‍ച്ചില്‍ ?

നിവിന്‍ പോളിയുടെ 'തുറമുഖം' റിലീസിനുള്ള ശ്രമം തുടങ്ങിയിട്ട് കാലങ്ങളായി.ഓരോ തവണയും റിലീസ് തീയതി പ്രഖ്യാപിക്കുകയും അത് പിന്നെ മാറ്റുകയുമായിരുന്നു പതിവ്. ഇപ്പോഴിതാ ചിത്രം തിയേറ്ററുകളിലേക്ക് എത്തുന്ന സൂചനകള്‍ പുറത്തുവരുന്നു.

ഔദ്യോഗിക സ്ഥിരീകരണം ഇതുവരെ ഉണ്ടായിട്ടില്ലെങ്കിലും തുറമുഖം മാര്‍ച്ച് 10 ന് റിലീസ് ചെയ്യുമെന്ന് ചില വൃത്തങ്ങള്‍ അറിയിച്ചു. 

മൂത്തോന്‍ റിലീസ് ചെയ്ത ശേഷം നിവിന്‍ പോളിയുടെതായി പുറത്തുവരാന്‍ ഇരുന്ന ചിത്രമായിരുന്നു തുറമുഖം.പല കാരണങ്ങളാല്‍, ചില ഫിനാന്‍ഷ്യല്‍ സെറ്റില്‍മെന്റ് പ്രശ്നങ്ങളാല്‍ ഇങ്ങനെ നീണ്ടുപോയിക്കൊണ്ടിരിക്കുന്ന ഒരു സാഹചര്യമാണ് ഇപ്പോള്‍ കാണുന്നത്. അത് ഇനി എന്ന് ഇറങ്ങുമെന്നുള്ള കാര്യത്തിനെ കുറിച്ച് എനിക്കറിയില്ലെന്നാണ് നിവിന്‍ പോളി അന്ന് പറഞ്ഞത്.