കെജിഎഫ് സിനിമകളിലൂടെ ഇന്ത്യ ഒട്ടാകെ ആരാധകരെ സ്വന്തമാക്കിയ നടനാണ് യഷ്. കെജിഎഫ് രണ്ട് റിലീസായി ഒരു വര്‍ഷം കഴിഞ്ഞിട്ടും തന്റെ അടുത്ത ചിത്രത്തെക്കുറിച്ച് നടന്‍ ഒരു വിവരവും നല്‍കിയിരുന്നില്ല. കരിയറിലെ പത്തൊമ്പതാമത് സിനിമയുടെ പ്രഖ്യാപനത്തിനായി കാത്തിരിക്കുകയാണ് യഷ്.
ചിത്രത്തിന്റെ ടൈറ്റില്‍ ഡിസംബര് 8 ന് റിലീസ് ചെയ്യും. എക്‌സിലൂടെ യഷ് തന്നെയാണ് ഇക്കാര്യം അറിയിച്ചത്. എട്ടാം തീയതി രാവിലെ 9 55ന് ടൈറ്റില്‍ പ്രഖ്യാപിക്കും.
നിലവില്‍ 'യഷ് 19' എന്നാ പേരിലാണ് സിനിമ നിലവില്‍ അറിയപ്പെടുന്നത്. സിനിമ പ്രേമികളുടെ ഒരു വര്‍ഷത്തെ കാത്തിരിപ്പ് വെറുതെ ആവില്ല എന്നു പ്രതീക്ഷിക്കാം.
