‘എല്ലാം മോഹൻലാലിന് അറിയാമായിരുന്നു’- സിദ്ദിഖിനെ പൊളിച്ചടുക്കി ജഗദീഷ്!

താര സംഘടനയായ അമ്മയിൽ ഭിന്നതയെന്ന് സൂചന. ഡബ്ല്യുസിസിക്കെതിരെ നടൻ സിദ്ദിഖ് നടത്തിയ വാർത്താസമ്മേളനത്തിൽ ഇത് വ്യക്തമാവുകയും ചെയ്തു. അമ്മയുടെ വാക്താവ് ജഗദീഷ് അല്ലെന്ന സിദ്ദിഖിന്റെ പ്രസ്താവനയെ തള്ളി ജഗദീഷ്. 

താനാണ് അമ്മയുടെ വാക്താവ് എന്നും പ്രസിഡന്റ് മോഹൻലാലിനെ വിളിച്ച് സംസാരിച്ചശേഷമാണ് പത്രക്കുറിപ്പ്  പുറത്തിറക്കിയതെന്ന് ജഗദീഷ് സിദ്ദിഖിന് മറുപടി നൽകി. സിദ്ദിഖ് അടക്കമുള്ളവർക്ക് ഇതിന്റെ പകർപ്പ് അയച്ചിരുന്നുവെന്നും ജഗദീഷ് വ്യക്തമാക്കി. 

അമ്മയുടെ വക്താവ് എന്ന നിലയിൽ ഇന്ന് രാവിലെ നടൻ ജഗദീഷ് പുറത്തിറക്കിയ പത്രക്കുറിപ്പിനെ കുറിച്ച് ചോദിച്ചപ്പോഴാണ് ജഗദീഷ് വെറും ഖജാൻ‌ജി മാത്രമാണെന്ന് സിദ്ദിഖ് പറഞ്ഞത്. ജഗദീഷ് പറഞ്ഞതിനെ കുറിച്ചറിയില്ല. വാർത്താക്കുറിപ്പ് പുറത്തിറക്കാൻ ആരാണ് ജഗദീഷിനെ ചുമതലപ്പെടുത്തിയതെന്ന് അറിയില്ല. സംഘടനയുടെ ഖജാൻജി മാത്രമാണ് അദ്ദേഹമെന്നായിരുന്നു സിദ്ദിഖിന്റെ പ്രസ്താവന.