രണ്‍ബീര്‍ കപൂര്‍ നല്‍കിയത് രണ്ടര കോടിയുടെ ഡയമണ്ട് നെക്ലസ്, സല്‍മാന്‍ കൊടുത്തത് മൂന്ന് കോടിയുടെ റേഞ്ച് റോവര്‍; കത്രീനയ്ക്ക് മുന്‍ കാമുകന്‍മാര്‍ നല്‍കിയ വിവാഹ സമ്മാനം ഇതൊക്കെ

കത്രീന കൈഫ്-വിക്കി കൗശല്‍ വിവാഹവുമായി ബന്ധപ്പെട്ട  വാര്‍ത്തകളാണ് കഴിഞ്ഞ ഏതാനും ദിവസങ്ങളായി ബോളിവുഡ് സിനിമാലോകത്ത് ചര്‍ച്ചയായിരിക്കുന്നത്. രാജസ്ഥാനിലെ ആഡംബര ഹോട്ടലില്‍ വളരെ കുറച്ച് അതിഥികളെ മാത്രം ഉള്‍ക്കൊള്ളിച്ചാണ് കത്രീനയും വിക്കിയും വിവാഹിതരായത്. മുന്‍ കാമുകന്‍മാരായ സല്‍മാന്‍ ഖാനേയും രണ്‍ബീര്‍ കപൂറിനേയും കത്രീന വിവാഹം ക്ഷണിച്ചിട്ടില്ല. മുന്‍ കാമുകി ഹര്‍ലീന്‍ സേത്തിയെ വിക്കിയും വിവാഹം ക്ഷണിച്ചില്ല. എന്നാല്‍, സല്‍മാന്‍, രണ്‍ബീര്‍ അടക്കമുള്ള ബോളിവുഡ് താരങ്ങള്‍ക്കായി മുംബൈയില്‍ വിക്കിയും കത്രീനയും ചേര്‍ന്ന് വിവാഹ പാര്‍ട്ടി നടത്തുന്നതായാണ് വിവരം. 

വിവാഹത്തിന് ക്ഷണിച്ചിട്ടില്ലെങ്കിലും തങ്ങളുടെ മുന്‍ കാമുകിയായ കത്രീന കൈഫിന് സല്‍മാനും രണ്‍ബീറും വളരെ വിലപിടിപ്പുള്ള സമ്മാനങ്ങള്‍ നല്‍കിയിട്ടുണ്ടെന്നാണ് വിവരം. കത്രീയുടെ മുന്‍ കാമുകനും അടുത്ത സുഹൃത്തുമായ നടന്‍ രണ്‍ബീര്‍ കപൂര്‍ 2.7 കോടിയുടെ ഡയമണ്ട് നെക്ലസ് ആണ് സമ്മാനിച്ചതെന്നാണ് ബോളിവുഡ് ലൈഫ് റിപ്പോര്‍ട്ട് ചെയ്യുന്നത്. കത്രീനയുടെ മറ്റൊരു മുന്‍ കാമുകനും ബോളിവുഡിലെ സൂപ്പര്‍താരവുമായ സല്‍മാന്‍ ഖാന്‍ സമ്മാനിച്ചത് മൂന്ന് കോടിയുടെ റേഞ്ച് റോവര്‍ കാറാണെന്നാണ് റിപ്പോര്‍ട്ടുകള്‍ പറയുന്നത്.