മലയാളികളുടെ പ്രിയതാരമായ കുഞ്ചാക്കോ ബോബന്റെ പുതിയ ലുക്കാണ് വൈറലാകുന്നത്. പ്രായം മുന്നോട്ടുപോകുമ്പോഴും ഇപ്പോഴും പഴയ ചോക്ലേറ്റ് ഹീറോ തന്നെയാണ് എന്നാണ് ആരാധകര്‍ പറയുന്നത്. നടന്‍ തന്നെ പങ്കുവെച്ച പുതിയ ചിത്രമാണ് സോഷ്യല്‍ മീഡിയയിലൂടെ ശ്രദ്ധനേടുന്നത്. രസകരമായ കമന്റുകളാണ് ചിത്രത്തിന് താഴെ വരുന്നത്. '20 വര്‍ഷം മുന്‍പത്തെ ഫോട്ടോയിട്ട് പറ്റിക്കാന്‍ നോക്കണ്ട', നിങ്ങളുടെ ടൈം മെഷീന്‍ എവിടെ വാങ്ങാന്‍ കിട്ടും എന്നു തുടങ്ങി അനിയത്തിപ്രാവ് 2 എടുത്തൂടെ എന്നു വരെ ആരാധകര്‍ ചോദിക്കുന്നുണ്ട്.
'നിഴല്‍', 'ഭീമന്റെ വഴി' തുടങ്ങിയ ചിത്രങ്ങള്‍ അടുത്തിടെ കുഞ്ചാക്കോ ബോബന്‍ പൂര്‍ത്തിയാക്കിയിരുന്നു. ആന്‍ഡ്രോയ്ഡ് കുഞ്ഞപ്പന്‍ ടീമിന്റെ അടുത്ത ചിത്രത്തില്‍ നായകനായെത്തുന്നത് ചാക്കോച്ചനാണ്. രതീഷ് ബാലകൃഷ്ണന്‍
സംവിധാനം ചെയ്യുന്ന ചിത്രത്തിന് 'ന്നാ, താന്‍ കേസ് കൊട്' എന്നാണ് ടൈറ്റില്‍.ജോജു ജോര്‍ജ്, നിമിഷ സജയന്‍ എന്നിവരോടൊപ്പം 'നായാട്ട്' എന്ന സിനിമയുടെ റിലീസിനായി കാത്തിരിക്കുകയാണ് നടന്‍.ഏപ്രില്‍ എട്ടിന് ചിത്രം തിയേറ്ററുകളിലെത്തും.