ഇതുവരെ കണ്ട വിജയ് അല്ല ഇനി കാണാനുള്ളത് ! 'ലിയോ'പ്രതീക്ഷകള്‍ കൂടി ഫസ്റ്റ് ലുക്ക്

'ലിയോ' റിലീസിനായി കാത്തിരിക്കുകയാണ് വിജയ് ആരാധകര്‍. പ്രതീക്ഷിച്ച പോലെ നടന്റെ ജന്മദിനത്തോടനുബന്ധിച്ച് ഫസ്റ്റ് ലുക്ക് പോസ്റ്റര്‍ നിര്‍മ്മാതാക്കള്‍ പുറത്തിറക്കി. 

ഇന്ന് പുലര്‍ച്ചെ പുറത്തുവിട്ട പോസ്റ്റര്‍ ഇതിനോടകം തന്നെ സോഷ്യല്‍ മീഡിയയില്‍ നിറഞ്ഞു കഴിഞ്ഞു.

ചെന്നൈയില്‍ ചിത്രീകരണത്തിന്റെ രണ്ടാം ഷെഡ്യൂള്‍ പുരോഗമിക്കുമ്പോള്‍, ലിയോയുടെ ചിത്രീകരണത്തിനായി വിജയ് കഠിനാധ്വാനം ചെയ്യുന്നതായി നിര്‍മ്മാതാവ് ലളിത് കുമാര്‍ വെളിപ്പെടുത്തി.

കാശ്മീരില്‍ -20 ഡിഗ്രി സെല്‍ഷ്യസില്‍ ഒരു ഫൈറ്റ് സീക്വന്‍സിനായി വിജയ് ചിത്രീകരിച്ചതായി നിര്‍മ്മാതാവ് പറഞ്ഞു.  

 അത്രയും തന്നെ തണുപ്പില്‍ വിജയ്ക്ക് ഷര്‍ട്ട് ധരിക്കാതെ ഒരു അഭിനയിക്കേണ്ടി വന്നിട്ടുണ്ടെന്നും വിജയ്യ്ക്കൊപ്പം പ്രവര്‍ത്തിക്കുന്നത് വളരെ സന്തോഷകരമാണെന്നും നിര്‍മാതാക്കള്‍ വെളിപ്പെടുത്തി.