വെങ്കട്ട് പ്രഭു സംവിധാനം ചെയ്ത 'മങ്കാത്ത' റീ റിലീസിന് ഒരുങ്ങുകയാണ്. 2011-ല്‍ റിലീസ് ചിത്രത്തില്‍ അജിത്ത് മികച്ച പ്രകടനമാണ് കാഴ്ചവച്ചത്.തൃഷ, അര്‍ജുന്‍, വൈഭവ്, പ്രേംജി, ലക്ഷ്മി റായ്, ആന്‍ഡ്രിയ എന്നിവര്‍ പ്രധാന വേഷങ്ങളില്‍ അഭിനയിച്ച ഹീസ്റ്റ് ത്രില്ലര്‍ മെയ് 1 ന് വീണ്ടും പ്രദര്‍ശനത്തിനെത്തും. അജിത്തിന്റെ ജന്മദിനത്തോടനുബന്ധിച്ചാണ് റിലീസ്.
അജിത്തിന്റെ 53-ാം ജന്മദിനമാണ് വരാനിരിക്കുന്നത്.
നടന്റെ അന്‍പതാമത് ചിത്രം കൂടിയാണ്. സണ്‍ പിക്‌ചേഴ്‌സിന്റെ ബാനറില്‍ ദയാനിധി അഴഗിരി, വിവേക് രത്‌നവേല്‍ എന്നിവര്‍ നിര്‍മ്മിച്ച ഈ ചിത്രം കഥയും തിരക്കഥയും എഴുതി സംവിധാനം ചെയ്തിരിക്കുന്നത് വെങ്കട് പ്രഭുവാണ്. യുവന്‍ ശങ്കര്‍ രാജയാണ് സംഗീതം ഒരുക്കുന്നത്. ഛായാഗ്രഹണം ശക്തി ശരവണനും ചിത്രസംയോജനം നിര്‍വ്വഹിച്ചിരിക്കുന്നത് കെ.എല്‍. പ്രവീണ്‍, എന്‍.ബി. ശ്രീകാന്ത് എന്നിവര്‍ ചേര്‍ന്നാണ്.
