‘മമ്മൂക്കയുടെ കണ്ണ് നിറഞ്ഞാൽ നമ്മുടെ കണ്ണും നിറയും’: പേരൻപിനെ കുറിച്ച് വാചാലനായി ലിജോ ജോസ് പെല്ലിശേരിയും സം‌യുക്ത മേനോനും

മമ്മൂട്ടിയെ നായകനാക്കി റാം സംവിധാനം ചെയ്ത പേരൻപ് റിലീസിനൊരുങ്ങുകയാണ്. ഫെബ്രുവരി ഒന്നിനാണ് ചിത്രം റിലീസ് ചെയ്യുക. അതിനിടയിൽ അണിയറ പ്രവർത്തകർ കൊച്ചിയിൽ ചിത്രത്തിനു പ്രത്യേക ഷോ നടത്തിയിരുന്നു. കൊച്ചിയിൽ സംഘടിപ്പിച്ച പേരൻപിന്റെ പ്രീമിയർ ഷോ കണ്ട താരങ്ങളുടെ പ്രതികരണമാണ് ഇപ്പോൾ സോഷ്യൽ മീഡിയകളിൽ വൈറലാകുന്നത്. 

‘മമ്മൂക്കയുടെ സിനിമകൾക്ക് ഒരു പ്രത്യേകതയുണ്ട്. അദ്ദേഹത്തിന്റെ കൺ‌ഠമൊന്ന് ഇടറിയാൽ, കണ്ണൊന്ന് നിറഞ്ഞാൽ നമ്മുടേയും കണ്ണ് നിറയും. അത് പേരൻപിലും സംഭവിച്ചിട്ടുണ്ട്.‘ - ലിജോ ജോസ് പെല്ലിശ്ശേരി.

‘പേരൻപ് കണ്ടപ്പോൾ ഒരുപാട് തവണ സങ്കടം കൊണ്ട് കണ്ണ് നിറഞ്ഞു. സിനിമ അവസാനിച്ചപ്പോൾ സന്തോഷം കൊണ്ട് കണ്ണ് നിറഞ്ഞു. ഒരു നല്ല സിനിമ കണ്ടതിന്റെ സന്തോഷം ഉണ്ടായിരുന്നു. പേരൻപ് പോലൊരു സിനിമ ഇനിയും ഉണ്ടാകട്ടെ.’ - സം‌യുക്ത മേനോൻ