യുവരാജ് സിംഗിന്റെ 5 കാമുകിമാർ ആരൊക്കെ ?

ഇന്ത്യയിലെ എക്കാലത്തെയും മികച്ച ഓള്‍റൌണ്ടറായ യുവരാജ് സിംഗ് രാജ്യാന്തര ക്രിക്കറ്റില്‍ നിന്ന് കഴിഞ്ഞ ദിവസം വിരമിച്ചിരുന്നു. ഒരു യുഗത്തിന്റെ അവസാനം എന്നായിരുന്നു നടിയും യുവരാജിന്റെ ഭാര്യമായ ഹസെലിന്റെ പ്രതികരണം.

യുവരാജിന്റെ മുൻകാമുകിയും നടിയുമായ കിം ശര്‍മ്മയും അതിന് പ്രതികരണവുമായി രംഗത്ത് എത്തി. ഇണക്കിളികളെ നിങ്ങള്‍ കൂടുതല്‍ തിളങ്ങട്ടെ എന്നായിരുന്നു കിം ശര്‍മ്മയുടെ കമന്റ്. ക്രിക്കറ്റ്, സിനിമ താരങ്ങളുടെ ജീവിതം പരസ്യമാണ്. അതിനാൽ തന്നെ യുവിക്കും ഉണ്ടായിരുന്നു ചില ഡേറ്റിംഗ് റിലേഷൻഷിപ്പുകൾ. 

യുവരാജുമായി സീരിയസ് ആയ ബന്ധമായിരുന്നു ബോളിവുഡ് നടിയായ പ്രീതി സിന്റയ്ക് ഉണ്ടായിരുന്നത്. ഇരുവരും ഒരുമിച്ച് ചില അവാർഡ് ചടങ്ങുകളിൽ പങ്കെടുത്തതോടെയാണ് ഗോസിപ്പുകൾ ആരംഭിച്ചത്. ഇരുവരും ഒരുമിച്ചായിരുന്നു താമസമെന്ന് വരെ അന്ന് വാർത്തകൾ വന്നിരുന്നു. എന്നാൽ, പബ്ലികിനു മുന്നിൽ ഒരിക്കൽ പോലും ഇവർ ഇക്കാര്യം സ്ഥിരീകരിച്ചിരുന്നില്ല. 

പ്രീതി സിന്റയുമായുള്ള വേർപിരിയലിനു ശേഷം യുവി അടുത്തത് ബോളിവുഡിലെ ഇപ്പോഴത്തെ ടോപ്പ് സ്റ്റാർ ആയ ദീപിക പദുക്കോണുമായിട്ടായിരുന്നു. നീണ്ട കുറച്ച് നാളത്തെ ഡേറ്റിംഗിനൊടുവിൽ ദീപിക യുവിയുമായുള്ള ബന്ധം അവസാനിപ്പിക്കുകയും യുവതാരം റൺബീർ കപൂറുമായി അടുക്കുകയുമായിരുന്നു. ഇതോടെ യുവിയും ദീപികയും തമ്മിലുള്ള റിലേഷനു പരിസമാപ്തി ഉണ്ടായി. 

യുവരാജുമായി കൂടുതൽ വർഷം ഡേറ്റിംഗിൽ ഉണ്ടായിരുന്നത് കിം ശർമയാണ്. യുവിയുടെ ക്രിക്കറ്റ് കരിയർ ആരംഭിച്ച സമയത്തായിരുന്നു ഇരുവരും തമ്മിലുള്ള ബന്ധം പാപ്പരാസികൾ കണ്ടെത്തിയത്. എന്നാൽ, യുവിയുടെ അമ്മയ്ക്ക് കിം ശർമയുമായുള്ള ബന്ധത്തോട് താൽപ്പര്യം ഉണ്ടായിരുന്നില്ല. അങ്ങനെയാണ് അവർ 4 വർഷത്തെ റിലേഷൻഷിപ് അവസാനിപ്പിച്ചത്.   

നേഹ ദുപിയ, മിനിഷാ ലം‌മ്പാ എന്നിവരുമായുള്ള ബന്ധം പൊളിഞ്ഞ് ഒടുവിൽ യുവി തന്റെ ജീവിതസഖിയെ കണ്ടെത്തുകയായിരുന്നു. ഹസെലിനു യുവിയുമായുള്ള ബന്ധത്തോട് ആദ്യം താൽപ്പര്യം ഉണ്ടായിരിന്നില്ലെന്നത് എല്ലാവർക്കും അറിയാവുന്നതാണ്. എന്നാൽ, പിന്നീട് ഇരുവരും തമ്മിൽ കടുത്ത റിലേഷനിൽ ആവുകയും ആ ബന്ധം വിവാഹത്തിൽ കലാശിക്കുകയുമായിരുന്നു.