നടൻ മാധവന്റെ പ്രായം അമ്പതിലെത്തി നിൽക്കുമ്പോഴും അദ്ദേഹത്തിന് വലിയ മാറ്റമൊന്നും വന്നിട്ടില്ല എന്നാണ് ആരാധകർ പറയുന്നത്. ഈ ലുക്കിന് പിന്നിലെ രഹസ്യം വെളിപ്പെടുത്തിയിരിക്കുകയാണ് നടൻ. അടുത്തിടെ മാധവൻ പങ്കുവെച്ച ഒരു ചിത്രത്തിന് താഴെ ഒരു ആരാധകൻ ഇങ്ങനെ കുറിക്കുകയുണ്ടായി, 'ഒരിക്കലും പ്രായമാകാത്ത നടൻ എന്ന്.
ഇതിന് രസകരമായ മറുപടിയാണ് മാധവൻ നൽകിയത്. 'നല്ല ഡൈയുടെ മായാജാലമാണ് എല്ലാം'.
അതേസമയം ‘റോക്കട്രി: ദി നമ്പി ഇഫക്ട്’ എന്ന ചിത്രമാണ് മാധവന്റെ അടുത്തതായി റിലീസ് ചെയ്യാനിരിക്കുന്ന ചിത്രം. 'ചാര്‍ലി’യുടെ തമിഴ് റീമേക്കിലും നായകന്‍ മാധവനാണ്.