വിജയ് സേതുപതിയുടെ 'മഹാരാജ' ആദ്യദിനം എത്ര നേടി ? കളക്ഷന്‍ റിപ്പോര്‍ട്ട്

വിജയ് സേതുപതിയുടെ 50-ാമത്തെ ചിത്രം 'മഹാരാജ' തിയേറ്ററുകളില്‍ എത്തി.ലോകമെമ്പാടുമുള്ള 1900 സ്‌ക്രീനുകളിലാണ് പ്രദര്‍ശനം ആരംഭിച്ചത്.

ജൂണ്‍ 14 ന് തിയേറ്ററുകളില്‍ എത്തിയ ചിത്രം പോസിറ്റീവ് റിവ്യൂകളോടെയാണ് തുടങ്ങിയത്.

നിതിലന്‍ സ്വാമിനാഥന്‍ സംവിധാനം ചെയ്ത ചിത്രത്തില്‍ വിജയ് സേതുപതി, മംമ്ത മോഹന്‍ദാസ്, അനുരാഗ് കശ്യപ്, അഭിരാമി എന്നിവരാണ് പ്രധാന കഥാപാത്രങ്ങളെ അവതരിപ്പിച്ചത്.

 ആദ്യ ദിവസം തന്നെ ചിത്രം 4.45 കോടി നേടി. 2024-ലെ മൂന്നാമത്തെ മികച്ച ഓപ്പണിംഗ് എന്ന സ്ഥാനം നേടാന്‍ ആദ്യ ദിനത്തില്‍ ചിത്രത്തിന് കഴിഞ്ഞു.

ധനുഷിന്റെ 'ക്യാപ്റ്റന്‍ മില്ലര്‍', തമന്ന ഭാട്ടിയ, റാഷി ഖന്നയുടെ 'അരണ്‍മനൈ 4' എന്നിവയ്ക്ക് ശേഷം മികച്ച മൂന്നാമത്തെ ഓപ്പണിംഗ് മഹാരാജ നേടി.ചിത്രം വാരാന്ത്യത്തില്‍ മികച്ച പ്രകടനം നടത്താനും ആദ്യ ആഴ്ചയില്‍ 15 കോടിയിലധികം ഗ്രോസ് നേടാനും സാധ്യതയുണ്ട്.