ചെലവാക്കിയ പണത്തിന്റെ പകുതി പോലും നേടാനായില്ല, 'മലൈകോട്ടൈ വാലിബന്‍' 31 ദിവസംകൊണ്ട് ഒ.ടി.ടിയില്‍

'മലൈകോട്ടൈ വാലിബന്‍' ഒ.ടി.ടിയില്‍ എത്തി. വലിയ ഹൈപ്പോടെ പ്രദര്‍ശനം ആരംഭിച്ച സിനിമ പ്രേക്ഷകരെ തൃപ്തിപ്പെടുത്താന്‍ ആയില്ല. ആദ്യ ഷോയ്ക്ക് പിന്നാലെ ശക്തമായ ഡീഗ്രേഡിംഗ് മോഹന്‍ലാല്‍ ചിത്രം നേരിട്ടു. പിന്നീടുള്ള ഷോകളില്‍ കൂടി കഴിഞ്ഞതോടെ സമ്മിശ്ര പ്രതികരണങ്ങള്‍ ചിത്രത്തിന് ലഭിച്ചത്. ദിവസങ്ങള്‍ക്കുള്ളില്‍ തന്നെ 10 കോടിക്ക് മുകളില്‍ കളക്ഷന്‍ നേടാന്‍ സിനിമയ്ക്ക് ആയെങ്കിലും പിന്നീട് പിടിച്ചുനില്‍ക്കാന്‍ ആയില്ല.  

 65 കോടി ബജറ്റില്‍ ഒരുക്കിയ സിനിമയ്ക്ക് നേടാന്‍ ആയിട്ട് 30 കോടി രൂപ മാത്രം. ജനുവരി 25ന് തിയേറ്ററുകളില്‍ എത്തിയ ചിത്രം 31 ദിവസങ്ങള്‍ക്കുള്ളില്‍ ഒ.ടി.ടിയില്‍ സ്ട്രീമിംഗ് ആരംഭിച്ചു.

ഡിസ്നി പ്ലസ് ഹോട്സ്റ്റാറില്‍ 'മലൈകോട്ടൈ വാലിബന്‍'സ്ട്രീമിംഗ് ആരംഭിച്ചു.മലയാളം, തമിഴ്, ഹിന്ദി, കന്നഡ, തെലുങ്ക് തുടങ്ങിയ ഭാഷകളില്‍ സിനിമ കാണാം. 'ആമേന്‍' ന് ശേഷം പി. എസ് റഫീഖ് തിരക്കഥയെഴുതിയ ലിജോ ജോസ് പെല്ലിശ്ശേരി ചിത്രം കൂടിയാണിത്.

സൊണാലി കുല്‍ക്കര്‍ണി, ഹരീഷ് പേരടി, ഹരിപ്രശാന്ത് വര്‍മ്മ, മണികണ്ഠന്‍ ആചാരി, സുചിത്ര നായര്‍, മനോജ് മോസസ്, കഥ നന്ദി എന്നിവരാണ് പ്രധാന കഥാപാത്രങ്ങളെ അവതരിപ്പിച്ചത്.ജോണ്‍ ആന്‍ഡ് മേരി ക്രിയേറ്റിവിസ്, സെഞ്ച്വറി ഫിലിംസ്, മാക്സ് ലാബ്, സരിഗമ ഇന്ത്യാ ലിമിറ്റഡ് എന്നിവരാണ് ചിത്രത്തിന്റെ നിര്‍മ്മാതാക്കള്‍.