Bramayugam: ബിഗ് ബജറ്റ് സിനിമ, ക്വാളിറ്റി അപ്‌ഡേറ്റ്‌സ്; ഇതൊക്കെ ഉണ്ടായിട്ടും നേരാവണ്ണം പ്രൊമോഷന്‍ ഇല്ല, ആന്റോ ജോസഫിനെ വിമര്‍ശിച്ച് മമ്മൂട്ടി ആരാധകര്‍

സിനിമയുമായി ബന്ധപ്പെട്ട ഓരോ അപ്‌ഡേറ്റും ഏറെ ആവേശത്തോടെയാണ് ആരാധകര്‍ ഏറ്റെടുക്കുന്നത്

Bramayugam: രാഹുല്‍ സദാശിവന്‍ സംവിധാനം ചെയ്ത ഭ്രമയുഗം ഫെബ്രുവരി 15 നു തിയറ്ററുകളിലെത്തുകയാണ്. വെറും ഒരാഴ്ച മാത്രമാണ് റിലീസിനു അവശേഷിക്കുന്നത്. എന്നാല്‍ അണിയറ പ്രവര്‍ത്തകര്‍ സിനിമയ്ക്ക് വേണ്ടവിധം പ്രൊമോഷന്‍ നല്‍കുന്നില്ലെന്ന് മമ്മൂട്ടി ആരാധകരുടെ വിമര്‍ശനം. ആന്റോ ജോസഫിന്റെ ആന്‍ മെഗാ മീഡിയയാണ് ഭ്രമയുഗത്തിന്റെ കേരളത്തിലെ വിതരണക്കാര്‍. ബിഗ് ബജറ്റ് ചിത്രമായിട്ടും സിനിമയ്ക്ക് ലഭിക്കേണ്ട പബ്ലിസിറ്റി നല്‍കാന്‍ ആന്‍ മെഗാ മീഡിയ തയ്യാറാകുന്നില്ലെന്നാണ് ആരാധകരുടെ വിമര്‍ശനം. 

സിനിമയുമായി ബന്ധപ്പെട്ട ഓരോ അപ്‌ഡേറ്റും ഏറെ ആവേശത്തോടെയാണ് ആരാധകര്‍ ഏറ്റെടുക്കുന്നത്. സാധാരണ പ്രേക്ഷകരെ അടക്കം ഞെട്ടിക്കുന്ന തരത്തിലാണ് പല അപ്‌ഡേറ്റുകളും പുറത്തുവന്നത്. എന്നിട്ടും അതിനു യോജിക്കുന്ന രീതിയില്‍ പ്രൊമോഷന്‍ നല്‍കാന്‍ സാധിച്ചിട്ടില്ല. സോഷ്യല്‍ മീഡിയയ്ക്കു പുറത്തുള്ള ആളുകള്‍ക്ക് ഈ സിനിമയെ കുറിച്ച് അറിയണമെങ്കില്‍ കൂടുതല്‍ പ്രൊമോഷന്‍ ആവശ്യമാണെന്നും ആരാധകര്‍ പറയുന്നു. 

ഇന്ത്യയില്‍ കേരളത്തിനു പുറത്ത് ചിത്രത്തിന്റെ വിതരണം എപി ഇന്റര്‍നാഷണലിനാണ്. ഓവര്‍സീസില്‍ ട്രൂത്ത് ഗ്ലോബല്‍ ഫിലിംസും. കേരളത്തില്‍ മാത്രമാണ് ആന്‍ മെഗാ മീഡിയ.